«Нашы горы пачалі смярдзець». Альпіністаў, якія лазяць на Эверэст, абавязалі прыбіраць за сабой фекаліі
Людзям, якія падымаюцца на Эверэст, цяпер давядзецца прыбіраць свае фекаліі і прыносіць іх назад у базавы лагер для ўтылізацыі, піша Бі-бі-сі. Новае правіла ўвёў муніцыпалітэт, які ахоплівае большую частку гэтага рэгіёна.
«Нашы горы пачалі смярдзець», — канстатаваў Мінгма Шэрпа, старшыня сельскага муніцыпалітэта Пасанг Лхаму. З-за экстрэмальных тэмператур экскрэменты, пакінутыя на Эверэсце, не раскладаюцца цалкам.
«Мы атрымліваем скаргі на тое, што на камянях бачныя чалавечыя спаражненні, а некаторыя альпіністы захворваюць. Гэта непрымальна і падрывае наш імідж», — заўважыў Мінгма.
Альпіністам, якія спрабуюць падняцца на самую высокую гару ў свеце і найбліжэйшую да яе гару Лхацзе, будзе загадана купіць у базавым лагеры спецыяльныя мяшкі для фекаліяў, якія будуць правераныя пасля вяртання.
Цяпер ідзе закупка ў ЗША каля 8 тысяч мяшкоў прыкладна для 400 замежных альпіністаў і 800 чалавек дапаможнага персаналу для сезону ўзыходжанняў, які пачнецца ў сакавіку.
Як адзначае Бі-бі-сі, смецце застаецца велізарнай праблемай на Эверэсце і іншых гарах рэгіёну, асабліва ў лагерах, размешчаных вышэй базавых стаянак, нягледзячы на штогадовыя кампаніі па прыбіранні.
Хоць афіцыйных звестак не існуе, паводле экспертных ацэнак, паміж першым лагерам каля падножжа Эверэста і чацвёртым лагерам, бліжэй да вяршыні, знаходзіцца каля трох тон чалавечых экскрэментаў. Палова гэтай колькасці — на перавале Паўднёвае сядло.
«Тут амаль няма лёду і снегу, таму паўсюль можна ўбачыць чалавечыя спаражненні», — адзначыў міжнародны горны гід Стэфан Кек.
Чытайце таксама:
Траўмаванага беларуса знялі са скалы амаль на самым краі свету
64-гадовая беларуска падняла БЧБ-сцяг над адной з найвышэйшых гор свету
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Другой вопрос, что био-отходы вообще не опасные, это не пластик и не загазованность.