Беларус купіў за 300 еўра балгарскі дакумент і ездзіў з ім па Еўропе. Але да пары збан ваду носіць
9 красавіка літоўскія памежнікі на мяжы Літвы з Польшчай спынілі для праверкі дакументаў пасажырскі аўтобус Scania фінскай рэгістрацыі, які кіраваўся маршрутам Талін — Варшава. Пасведчанне асобы 33-гадовага грамадзяніна Балгарыі здалося ім падазроным, і небеспадстаўна.
Дакумент не адпавядаў тэхнічным патрабаванням да вытворчасці каштоўных папер па некалькіх паказчыках, таму ў памежнікаў з'явілася падазрэнне, што ён падроблены. Урэшце яго ўладальнік мусіў прызнацца, што насамрэч ён грамадзянін Беларусі, чыя нацыянальная віза, выдадзеная Польшчай, мінула месяц таму, 9 сакавіка.
Не хочучы траціць магчымасць знаходзіцца ў Еўропе, беларус замовіў і купіў у інтэрнэце за 300 еўра балгарскае пасведчанне асобы са сваім фота.
У выніку беларуса затрымалі, адносна яго пачата дасудовае расследаванне па факце падробкі або завалодання дакументам. У такіх выпадках прадугледжана пакаранне ў выглядзе арышту або пазбаўлення волі на тэрмін да 4 гадоў. Пакуль падазраванага ўзялі пад варту на адзін месяц, паведамляе Служба аховы дзяржаўнай мяжы Літвы.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза15
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары