П'яны жыхар Барысаўскага раёна адрэзаў сабаку вушы. Ён сцвярджае, што спрабаваў яму дапамагчы
Жыхар Барысаўскага раёна выпіваў, а затым адправіўся дадому да цешчы, дзе знаходзіўся сабака. Будучы п'яным, 29-гадовы мужчына ўзяў кухонны нож і адрэзаў беднай жывёліне вушы, паведамляе міліцыя Мінскай вобласці.
Фота: УУС Мінгарвыканкама
Свой учынак мужчына растлумачыў тым, што нібыта хацеў дапамагчы сабаку: у яго гнаіліся вушы.
Праз некалькі дзён сваячка мужчыны, на вачах якой ён здзекаваўся з жывёліны, звярнулася ў міліцыю.
Следчыя распачалі крымінальную справу за жорсткае абыходжанне з жывёлінай.
Каментары