Былога выкладчыка духоўнага вучылішча, які жанаты з маладзейшай за яго на 30 год студэнткай, выпусцілі з ізраільскай паліцыі
Імаверна, яго затрымлівалі па заяве жонкі пра хатні гвалт.
Былы выкладчык мінскага духоўнага вучылішча Сяргей Федарук, пра затрыманне якога ў Ізраілі паводле абвінавачання ў хатнім гвалце стала вядома напярэдадні, вызвалены з-пад варты і ўжо вярнуўся да працы. Пра гэта ён асабіста паведаміў у сваім відэаблогу.
«Мяне ўчора позна ўначы адпусцілі. Таму я на працы зноў сёння, усё больш-менш. Але вось як атрымалася, так атрымалася. Бачыце, які «добры» чалавек, з кім я жыў увесь гэты час — 3,5 года», — пракаментаваў сітуацыю Федарук.
Раней у тэлеграм-канале Федарука з'явілася інфармацыя пра тое, што яго затрымалі мясцовыя праваахоўныя органы па заяве пра хатні гвалт. У канале выказалі здагадку, што да гэтага мае дачыненне яго жонка Анфіса, якая маладзейшая за яго на 30 гадоў.
Гісторыя пары пачалася некалькі гадоў таму ў Беларусі, калі Анфіса вучылася ў каледжы, дзе выкладаў Сяргей. Пазней яны пакінулі навучальную ўстанову, пажаніліся і эмігравалі ў Ізраіль. У канцы верасня Анфіса заявіла пра разрыў адносін.
Зараз Сяргей Федарук рыхтуецца да судовых працэсаў па разводзе і падзеле маёмасці, заяўляючы пра намер дабіцца ад жонкі выдалення ўсіх сумесных відэа з сацыяльных сетак.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары