Кітай імкнецца стаць сусветным лідарам у галіне нейраінтэрфейсаў
Кітай мае намер стаць сусветным лідарам у распрацоўцы нейраінтэрфейсаў — тэхналогій, якія дазваляюць чалавечаму мозгу непасрэдна ўзаемадзейнічаць з камп’ютарамі, пратэзамі і іншымі электроннымі прыладамі. Як піша The Economist, нейраінтэрфейсы становяцца новым кірункам тэхналагічнага суперніцтва паміж Кітаем і ЗША.
Пекін уключыў нейратэхналогіі да ліку прыярытэтных галін новай пяцігодкі на 2026—2030 гады. Сярод іншых прыярытэтаў — квантавыя вылічэнні, гуманоідная робататэхніка і тэрмаядзерная энергетыка.
У Кітаі ўжо працуюць сотні стартапаў і тысячы пастаўшчыкоў, якія займаюцца распрацоўкай і вытворчасцю нейраінтэрфейсаў.
NeuroXess — адна з вядучых кітайскіх кампаній у галіне цалкам бесправадных мазгавых імплантаў. Яна ўжо праводзіла клінічныя выпрабаванні.
StairMed распрацоўвае нейраімпланты і атрымлівае падтрымку тэхналагічнага гіганта Alibaba. Кампанія NeuCyber займаецца імплантаванымі нейраінтэрфейсамі пры дзяржаўнай падтрымцы. BrainCo вырабляе неінвазіўныя прылады і біянічныя пратэзы, якімі можна кіраваць з дапамогай электрычных сігналаў, што счытваюцца з арганізма.
Адначасова развіваецца рынак неінвазіўных нейратэхналогій. Каля 20‑ці кітайскіх кампаній ужо прадаюць пераносныя прылады — ад сістэм маніторынгу сну да гульнявых інтэрфейсаў, якія выкарыстоўваюць электрычную актыўнасць мозгу.
Кітай фармуе цэлую дзяржаўную экасістэму для развіцця гэтай галіны, якая ўключае фінансаванне, рэгуляванне, медыцынскую інфраструктуру і падрыхтоўку спецыялістаў.
Напрыклад, восенню 2026 года Цяньдзіньскі ўніверсітэт пачынае навучанне першых студэнтаў па асобнай бакалаўрскай праграме, прысвечанай нейраінтэрфейсам.
Кітай імкнецца прымяніць у нейратэхналогіях той жа падыход, які раней выкарыстоўваў у сферах электрамабіляў, акумулятараў і робататэхнікі: ператварыць перспектыўны навуковы кірунак у маштабную прамысловую галіну.
Калі амерыканская кампанія Neuralink Ілана Маска стала адным з сімвалаў тэхналагічнага прарыву ў гэтай сферы, то Кітай робіць стаўку на стварэнне цэлай індустрыі, здольнай масава вырабляць падобныя прылады для сусветнага рынку.
Хутка кожны зможа мець шапку, якая чытае думкі
Кампанія Ілана Маска абвясціла набор добраахвотнікаў на выпрабаванні мазгавога чыпа. Там спадзяюцца дапамагчы цалкам паралізаваным людзям
Улады ЗША не дазволілі пачаць тэставанне на людзях прылады кампаніі Neuralink Ілана Маска
35 маладых беларусаў і беларусак, за якімі варта сачыць: апублікаваны першы спіс Next 35
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»41
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары