Грамадства44

Шматдзетны бацька родам з-пад Чыты. Што вядома пра новага міністра юстыцыі Яўгена Каваленку

Пасаду заняў чалавек з юрыдычнай адукацыяй — ужо нямала.

Новы міністр юстыцыі Яўген Каваленка

Месца кіраўніка Мінюста заставалася вакантным некалькі тыдняў — ад моманту каля папярэдняга міністра Сяргея Хаменку забралі ў Савет Рэспублікі на пасаду віцэ-спікера. Адметна, што Хаменка быў выхадцам з міліцыі і нават не меў юрыдычнай адукацыі.

Тры вышэйшыя адукацыі

А вось Яўген Каваленка якраз-такі профільна вучыўся на юрыста. Ён скончыў Беларускі дзяржаўны эканамічны ўніверсітэт (спецыяльнасць «Правазнаўства», 2002, а таксама аспірантуру ў 2006), Мінскі дзяржаўны лінгвістычны ўніверсітэт (спецыяльнасць «Англійская мова», 2005), а таксама Акадэмію кіравання (2016).

Нарадзіўся ў Расіі

Новы міністр юстыцыі нарадзіўся ў 1980 годзе. Месца яго нараджэння — горад Борзя ў Забайкальскім краі Расіі. Рэч у тым, што бацька Каваленкі быў вайскоўцам, а ў Борзі размяшчалася 38-я гвардзейская мотастралковая дывізія.

Дарэчы, у папярэдняга міністра юстыцыі таксама месцам нараджэння была не Беларусь. Хаменка паходзіў з Ясінаватай Данецкай вобласці Украіны.

Кар’ера ў Мінюсце і Адміністрацыі прэзідэнта

Адразу пасля сканчэння ўніверсітэта Каваленка трапіў на працу ў Міністэрства юстыцыі і да 2010 дайшоў да пасады начальніка аднаго з упраўленняў.

На кароткі перыяд юрыст апынуўся ў сакратарыяце Савета Рэспублікі, пасля чаго перайшоў на працу ў Адміністрацыю прэзідэнта, але потым вярнуўся на высокую пасаду ў Мінюст — у 2014-2015 ён быў намеснікам міністра.

З 2015 да 2020 Каваленка кіраваў Нацыянальным цэнтрам прававой інфармацыі.

А пасля пайшоў на другі заход у Адміністрацыю прэзідэнта — стаў начальнікам галоўнага дзяржаўна-прававога ўпраўлення.

Паводле інфармацыі «Белпола», сярод іншых месцаў працы Каваленкі былі БДЭУ, БІП — Інстытут правазнаўства, а таксама кампанія «Юрспектр». Найхутчэй, гаворка ідзе пра выкладчыцкія і кансультатыўныя паслугі.

Дысертацыя пра абарону інвестыцый

Каваленка — кандыдат юрыдычных навук. Яго дысертацыя называлася «Абарона замежных інвестыцый у Беларусі па нормах міжнародных дамоваў» і была абаронена ў 2008 годзе.

З дадатковых актыўнасцяў міністра можна згадаць удзел у працы Беларускага рэспубліканскага саюза юрыстаў. Там ён першы намеснік старшыні.

Жонка ўзначальвае будаўнічую кампанію

Жонка міністра — дырэктарка прыватнай будаўнічай кампаніі «Нольта і К» Таццяна Каваленка. У сям’і гадуюцца трое дзяцей.

Ва ўласнасці міністра катэдж у аграгарадку Сёмкава. Гэта зусім блізка ад сталіцы, каля 10 км. А зарэгістраваны ён у мінскай кватэры на вуліцы Баграціёна.

Каментары4

  • Антып
    22.04.2024
    Гледзячы на даты вучобы ў лінгвістычным універсітэце і ў аспірантуры, якія супадаюць, ён, мусіць, вундэркінд.
  • даведка
    22.04.2024
    Являлся директором Национального центра правовой информации (ИПС «Эталон») и был связан финансово с его прямым коммерческим конкурентом «Юрспектр» (СПС «КонсультантПлюс»). Не было ли там конфликта интересов?!
  • Гаянэ
    22.04.2024
    Антып, калі працуеш у міністэрстве, то ўсё гэта даступна і дурню. І за дарма. Абараніць кандыдацкую, працуючы ў мінюсце…гэта як два пальцы. А замежяз - за дарма для дзяржслужачых. Не беларус з Барзю кіруе беларусамі і служыць вусатаму забойцу. Вось і кар’ера.

Цяпер чытаюць

Галыгіна прымусілі апраўдвацца за зварот да сілавікоў у 2020-м14

Галыгіна прымусілі апраўдвацца за зварот да сілавікоў у 2020-м

Усе навіны →
Усе навіны

«Кожны раз даказваю, што я чалавек». Сям'я беларусаў з польскімі каранямі чатыры гады спрабуе атрымаць ДНЖ у Польшчы13

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком6

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё22

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек7

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

Хлопчыкі ўжо не ў модзе? Бацькі ўсё часцей хочуць дачок4

У Беларусі зноў сабралі грошы на лячэнне дзіцяці з СМА1

больш чытаных навін
больш лайканых навін

Галыгіна прымусілі апраўдвацца за зварот да сілавікоў у 2020-м14

Галыгіна прымусілі апраўдвацца за зварот да сілавікоў у 2020-м

Галоўнае
Усе навіны →

Заўвага:

 

 

 

 

Закрыць Паведаміць