Hramadstva44

Šmatdzietny baćka rodam z-pad Čyty. Što viadoma pra novaha ministra justycyi Jaŭhiena Kavalenku

Pasadu zaniaŭ čałaviek ź jurydyčnaj adukacyjaj — užo niamała.

Novy ministr justycyi Jaŭhien Kavalenka

Miesca kiraŭnika Miniusta zastavałasia vakantnym niekalki tydniaŭ — ad momantu kala papiaredniaha ministra Siarhieja Chamienku zabrali ŭ Saviet Respubliki na pasadu vice-śpikiera. Admietna, što Chamienka byŭ vychadcam ź milicyi i navat nie mieŭ jurydyčnaj adukacyi.

Try vyšejšyja adukacyi

A voś Jaŭhien Kavalenka jakraz-taki profilna vučyŭsia na jurysta. Jon skončyŭ Biełaruski dziaržaŭny ekanamičny ŭniviersitet (śpiecyjalnaść «Pravaznaŭstva», 2002, a taksama aśpiranturu ŭ 2006), Minski dziaržaŭny linhvistyčny ŭniviersitet (śpiecyjalnaść «Anhlijskaja mova», 2005), a taksama Akademiju kiravańnia (2016).

Naradziŭsia ŭ Rasii

Novy ministr justycyi naradziŭsia ŭ 1980 hodzie. Miesca jaho naradžeńnia — horad Borzia ŭ Zabajkalskim krai Rasii. Reč u tym, što baćka Kavalenki byŭ vajskoŭcam, a ŭ Borzi raźmiaščałasia 38-ja hvardziejskaja motastrałkovaja dyvizija.

Darečy, u papiaredniaha ministra justycyi taksama miescam naradžeńnia była nie Biełaruś. Chamienka pachodziŭ ź Jasinavataj Danieckaj vobłaści Ukrainy.

Karjera ŭ Miniuście i Administracyi prezidenta

Adrazu paśla skančeńnia ŭniviersiteta Kavalenka trapiŭ na pracu ŭ Ministerstva justycyi i da 2010 dajšoŭ da pasady načalnika adnaho z upraŭleńniaŭ.

Na karotki pieryjad juryst apynuŭsia ŭ sakrataryjacie Savieta Respubliki, paśla čaho pierajšoŭ na pracu ŭ Administracyju prezidenta, ale potym viarnuŭsia na vysokuju pasadu ŭ Miniust — u 2014-2015 jon byŭ namieśnikam ministra.

Z 2015 da 2020 Kavalenka kiravaŭ Nacyjanalnym centram pravavoj infarmacyi.

A paśla pajšoŭ na druhi zachod u Administracyju prezidenta — staŭ načalnikam hałoŭnaha dziaržaŭna-pravavoha ŭpraŭleńnia.

Pavodle infarmacyi «Biełpoła», siarod inšych miescaŭ pracy Kavalenki byli BDEU, BIP — Instytut pravaznaŭstva, a taksama kampanija «Jurśpiektr». Najchutčej, havorka idzie pra vykładčyckija i kansultatyŭnyja pasłuhi.

Dysiertacyja pra abaronu inviestycyj

Kavalenka — kandydat jurydyčnych navuk. Jaho dysiertacyja nazyvałasia «Abarona zamiežnych inviestycyj u Biełarusi pa normach mižnarodnych damovaŭ» i była abaroniena ŭ 2008 hodzie.

Z dadatkovych aktyŭnaściaŭ ministra možna zhadać udzieł u pracy Biełaruskaha respublikanskaha sajuza jurystaŭ. Tam jon pieršy namieśnik staršyni.

Žonka ŭznačalvaje budaŭničuju kampaniju

Žonka ministra — dyrektarka pryvatnaj budaŭničaj kampanii «Nolta i K» Taćciana Kavalenka. U siamji hadujucca troje dziaciej.

Va ŭłasnaści ministra katedž u ahraharadku Siomkava. Heta zusim blizka ad stalicy, kala 10 km. A zarehistravany jon u minskaj kvatery na vulicy Bahracijona.

Kamientary4

  • Antyp
    22.04.2024
    Hledziačy na daty vučoby ŭ linhvistyčnym univiersitecie i ŭ aśpirantury, jakija supadajuć, jon, musić, vunderkind.
  • daviedka
    22.04.2024
    Javlałsia diriektorom Nacionalnoho cientra pravovoj informacii (IPS «Etałon») i był śviazan finansovo s jeho priamym kommierčieskim konkurientom «Jurśpiektr» (SPS «KonsultantPlus»). Nie było li tam konflikta intieriesov?!
  • Hajane
    22.04.2024
    Antyp, kali pracuješ u ministerstvie, to ŭsio heta dastupna i durniu. I za darma. Abaranić kandydackuju, pracujučy ŭ miniuście…heta jak dva palcy. A zamiežiaz - za darma dla dziaržsłužačych. Nie biełarus z Barziu kiruje biełarusami i słužyć vusatamu zabojcu. Voś i karjera.

Ciapier čytajuć

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Usie naviny →
Usie naviny

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

Pucin asudziŭ parušeńnie Izrailem Statuta AAN i normaŭ mižnarodnaha prava11

Za miesiac popyt na lalek Łabubu vyras na «Kufry» ŭ 6,5 raza7

Pad Saladaram adzin rasijski samalot źbiŭ inšy?4

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

bolš čytanych navin
bolš łajkanych navin

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić