Следчыя знайшлі былую палітзняволеную за мяжой, каб паведаміць ёй пра новую справу
Былая палітзняволеная Ганна Вішняк расказала «Радыё Свабода», што следчыя ў Беларусі знайшлі яе за мяжой па нумары, вядомым абмежаванай колькасці людзей. Жанчыне паведамілі пра завядзенне новай крымінальнай справы супраць яе і цікавіліся, калі яна плануе вяртацца ў Беларусь.
Ганна Вішняк адзначыла, што 26 студзеня яна ад журналістаў даведалася, што на сайце Генпракуратуры Беларусі з'явіўся артыкул пра завядзенне новай крымінальнай справы і «ў апісанні было пра яе», а праз тры месяцы ёй у месенджар Viber напісала следчая Кастрычніцкага раённага аддзела Следчага камітэта па Мінску Вікторыя Любіч.
Следчая паведаміла, што супраць Ганны ў Беларусі завялі новую крымінальную справу паводле ч. 1 арт. 361-4 КК. Дадала, што ёй вядома, што Ганна знаходзіцца за мяжой, і спыталася, калі тая мае намер вяртацца ў Беларусь, бо з яе ўдзелам «неабходна правесці шэраг следчых дзеянняў».
«Мінула 3 месяцы, і следчая напісала ў Viber на польскі нумар, аформлены на пашпарт грамадзяніна іншай краіны. Але паколькі гэтым нумарам я карысталася, але амаль нікому не раздавала, рэальна ўсе, хто ведаў нумар, — у спісе званкоў, і гэта менш за 10 чалавек… Нумар яны ўзялі на допыце ў маці, найверагодней», — расказала Ганна Вішняк.
Паводле Ганны Вішняк, следчыя тады трымалі ў руках тэлефон маці, а неўзабаве пасля гэтага Ганна выявіла ўваход з камп'ютара на мінскіх ІР у тэлеграм-акаўнты сваёй маці (адзін прывязаны да беларускага нумара, другі — да польскага).
Пасля паведамлення 30 красавіка следчая стала тэлефанаваць Ганьне ў Viber. Ганна Вішняк кажа, што не ведае ніякіх падрабязнасцяў пра новую крымінальную справу супраць яе, бо «не камунікуе з памагатымі злачыннага рэжыму Лукашэнкі» і плануе наогул выдаліць Viber з тэлефона.
Ганна Вішняк — валанцёрка тэлеграм-канала «Водители 97%». Яе затрымалі 28 кастрычніка 2020 года за «арганізацыю пратэстаў», а пасляё асудзілі на 2,5 года калоніі.
Большую частку прысуджанага тэрміну Ганна адбывала ў Гомельскай жаночай калоніі № 4. Палову часу яна правяла ў ШІЗА і прэс-атрадзе, мела 16 спагнанняў. Выйшла на волю, адбыўшы поўны тэрмін, пазней выехала за мяжу.
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары