Жаночая зборная Літвы адмовілася гуляць з беларускамі цаной дзвюх тэхнічных паразаў і штрафу
Адборачныя матчы з беларускімі футбалісткамі павінны былі прайсці 31 мая і 4 чэрвеня.
Жаночая зборная Літвы па футболе не будзе праводзіць афіцыйных матчаў у найбліжэйшае адборачнае акно — два адборачныя матчы жаночага чэмпіянату Еўропы 2025 года супраць зборнай Беларусі афіцыйна адмененыя, паведамляе федэрацыя футболу гэтай краіны.
Таксама зацверджаны санкцыі, якія будуць чакаць Літоўскую федэрацыю футбола — у абедзвюх сустрэчах літоўцам будуць залічаны тэхнічныя паразы з вынікам 0:3, а федэрацыя аштрафавана на 5 тысяч еўра.
Тут не галоўныя санкцыі і грашовыя штрафы, важна было яшчэ раз нагадаць пазіцыю ЛФФ адносна вайны і агрэсараў», — сказаў прэзідэнт ЛФФ Эдгарас Станкявічус.
Нагадаем, што ў сакавіку мужчынская зборная Літвы адмовілася гуляць са зборнай Беларусi стыкавыя паядынкі за захаванне месца ў дывізіёне С Лігі нацый з тых жа прычын. Але тады санкцый ад УЕФА не паследавала. Беларусаў пакінулі ў дывізіёне С, а Літва правяла стыкі з Гібралтарам.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары