Žanočaja zbornaja Litvy admoviłasia hulać ź biełaruskami canoj dźviuch techničnych parazaŭ i štrafu
Adboračnyja matčy ź biełaruskimi futbalistkami pavinny byli prajści 31 maja i 4 červienia.
Žanočaja zbornaja Litvy pa futbole nie budzie pravodzić aficyjnych matčaŭ u najbližejšaje adboračnaje akno — dva adboračnyja matčy žanočaha čempijanatu Jeŭropy 2025 hoda suprać zbornaj Biełarusi aficyjna admienienyja, paviedamlaje fiederacyja futbołu hetaj krainy.
Taksama zaćvierdžany sankcyi, jakija buduć čakać Litoŭskuju fiederacyju futboła — u abiedźviuch sustrečach litoŭcam buduć zaličany techničnyja parazy z vynikam 0:3, a fiederacyja aštrafavana na 5 tysiač jeŭra.
Tut nie hałoŭnyja sankcyi i hrašovyja štrafy, važna było jašče raz nahadać pazicyju ŁFF adnosna vajny i ahresaraŭ», — skazaŭ prezident ŁFF Edharas Stankiavičus.
Nahadajem, što ŭ sakaviku mužčynskaja zbornaja Litvy admoviłasia hulać sa zbornaj Biełarusi stykavyja pajadynki za zachavańnie miesca ŭ dyvizijonie S Lihi nacyj z tych ža pryčyn. Ale tady sankcyj ad UEFA nie paśledavała. Biełarusaŭ pakinuli ŭ dyvizijonie S, a Litva praviała styki z Hibrałtaram.
Kamientary