«Адстаўка Гулевіча адбылася пасля вяртання Лукашэнкі з Масквы, а прызначэнне Муравейкі — у дзень візіту Пуціна ў Мінск» — iSANS
Эксперт ініцыятывы iSANS Антон Глускі ў размове з Reform.news падзяліўся меркаваннем адносна таго, які можа быць сэнс замене на пасадзе кіраўніка Генеральнага штаба Віктара Гулевіча на Паўла Муравейку.
Антон Глускі звяртае ўвагу на тое, што Павел Муравейка, як і Віктар Гулевіч — ураджэнец Беларусі, але не бачыць у гэтым прынцыповага моманту. Паводле яго меркавання,
«гэта сведчыць толькі пра тое, што ў войску таксама ідзе працэс змены пакаленняў, на месца ўраджэнцаў СССР прыходзяць беларусы. З пункту гледжання ідэнтыфікацыі мець ілюзій адносна Муравейкі не даводзіцца».
У той жа час, на думку эксперта, гэтая замена — не шараговая ратацыя:
«У гэтым выпадку адбылася замена дзвюх вельмі розных фігур. Гулевіч — вайсковы прафесіянал, глыбокі спецыяліст, якога паважаюць у войску. Калі б ён выступіў супраць удзелу беларускіх войскаў у баявых дзеяннях, то ён бы змог аргументаваць сваю пазіцыю, і яго меркаванне мела б значэнне. За ім таксама не фіксавалася агрэсіўных заяў і пагроз «прасекчы Сувалкскі калідор». Муравейка такія пагрозы выказваў».
Глускі лічыць, што па тыпажы Муравейка бліжэйшы да міністра абароны Віктара Хрэніна: такі ж ідэалагізаваны ды прарасійскі, да таго ж з негатыўнага боку вызначыўся ў падзеях 2020 года і пасля пачатку поўнамаштабнай вайны ва Украіне ў 2022-м. Гэта чалавек стаўленіка Масквы Аляксандра Вальфовіча.
Эксперт лічыць важным, што:
«Адстаўка Гулевіча адбылася пасля вяртання Лукашэнкі з Масквы, а прызначэнне Муравейкі — у дзень візіту Пуціна ў Мінск».
З прызначэннем Муравейкі, на ягоную думку, павышаецца верагоднасць уступлення беларускай арміі ў вайну з Украінай:
«Можна сказаць асцярожна: мы сталі на крок бліжэй да гэтага. Гэтая перастаноўка сведчыць пра карэктаванне вектару вайсковай палітыкі».
Лукашэнка прызначыў новага начальніка Генштаба
«Як казаў Уладзімір Уладзіміравіч Пуцін». Ваенная дактрына Беларусі прадугледжвае магчымасць папераджальнага ўдару
Хто такі генерал Муравейка, які хоча прарубіць калідор да мора «сілай зброі»
«Санкцыі працуюць». У Вільні пракаментавалі пагрозы Літве з боку лукашэнкаўскага генерала
Беларускі генерал заявіў, што ў адказ на санкцыі Беларусь мае права са зброяй «прарубіць калідор» праз Літву
Слова «Унаватуна» значыць «рай». Дзе на Шры-Ланцы адпачывала Мельнікава13
Каментары