Свет77

«Будуць арыштаваныя сотні людзей». Пуцін загадаў ФСБ зачысціць Мінабароны, каб пакараць за правалы ва Украіне

Беспрэцэдэнтная кампанія па арышце высокапастаўленых расійскіх генералаў, якую запусцілі сілавікі пасля адстаўкі кіраўніка Мінабароны Сяргея Шайгу, праходзіць са згоды Крамля. А яе найважнейшая прычына — гэта жаданне спецслужбаў сапхнуць на войска віну за няўдачы ва Украіне, а таксама атрымаць кантроль над вялізнымі бюджэтамі ваеннага ведамства, піша The Moscow Times са спасылкай на свае крыніцы.

Фота: Мінабароны РФ

«Ідзе жорсткая зачыстка. ФСБ зачышчае каманду Шайгу. Гэта чаканы працэс. Сілавікі атрымалі дазвол на самым версе [у кіраўніцтве краіны]», — сказала крыніца, блізкая да Крамля. 

«Да завяршэння чыстак яшчэ далёка. Нас чакаюць новыя арышты», — дадала яна. 

Супрацоўнікі спецслужбаў, адказныя за расследаванні карупцыі, зʼявіліся ў комплексе будынкаў Міністэрства абароны на Фрунзенскай набярэжнай у Маскве яшчэ да таго, як стала вядома аб арышце намесніка міністра Цімура Іванова, аднаго з найбліжэйшых і даўніх паплечнікаў Шайгу. Па словах крыніцы, блізкай да Мінабароны, гэта адбылося ў канцы красавіка, гэта значыць, калі Шайгу яшчэ заставаўся міністрам, але ўжо губляў уплыў. 

«Цяпер там [у будынку Мінабароны] больш чэкістаў, чым вайскоўцаў, мне здаецца», — кажа суразмоўца The Moscow Times. 

За два тыдні пасля звальнення Шайгу па крымінальных справах, звязаных з карупцыяй, былі арыштаваныя ўжо чатыры высокапастаўленыя генералы расійскага войска. Увечары ў чацвер Следчы камітэт паведаміў аб пятым арыштаваным афіцэру. 

Размова можа патэнцыйна ісці аб адной з «самых маштабных чыстак» у сучаснай расійскай гісторыі, і працэс толькі набірае абароты, сказаў The Moscow Times чыноўнік расійскага ўрада. 

«Я думаю, да канца года агулам па ўсіх падраздзяленнях Мінабароны будуць арыштаваны сотні людзей», — дадаў ён. 

Па словах іншага чыноўніка кабміна, матэрыялаў аб карупцыйных схемах у Мінабароны заўсёды «была куча», і заводзіліся крымінальныя справы. «Але пакуль Шайгу быў міністрам і меў вялікі уплыў, следчым не дазвалялі даваць ім ход», — распавядае суразмоўца The Moscow Times. 

Кампанія, на якую ФСБ атрымала дазвол у Крамлі, паказвае, што ва ўмовах ваеннага часу ў супрацьстаянні дзвюх вядучых у Расіі сілавых структур — арміі і ФСБ — перамогу атрымліваюць спецслужбы, лічыць крыніца, блізкая да Крамля. 

«У правале ўварвання вінаваты мусіць быць нехта адзін. Гэта ці спецслужбы, якія займаліся разведкай і аналітычнай падрыхтоўкай вайны і абяцалі Пуціну трыумфальную аперацыю і хуткую перамогу. Але праваліліся. Альбо «другое войска свету» пад кіраўніцтвам Шайгу, якое павінна было забяспечыць Пуціну перамогу. Але аказалася папяровым тыграм і пацярпела катастрофу», — тлумачыць суразмоўца The Moscow Times.

Па выніках перастановак, якія пасля інаўгурацыі на пяты тэрмін зладзіў Пуцін, пасады пазбавіўся не толькі Шайгу, але і каардынатар спецслужбаў, сакратар Савета бяспекі Мікалай Патрушаў. Тым не менш, ФСБ усё ж атрымлівае перамогу ў гэтым супрацьстаянні: яна можа атрымаць заахвочванне і ўзнагароды за «барацьбу з карупцыяй» у вышэйшых эшалонах улады. 

«Задача-максімум — паставіць сваіх людзей і кантраляваць самае смачнае, тыя напрамкі, дзе ёсць вялікія бюджэты, — тлумачыць чыноўнік урада. — Ці вы сурʼёзна лічыце, што нехта з іх у гэты момант думае пра спецаперацыю?» 

23 мая стала вядома, што вайсковы суд у Маскве арыштаваў на два месяцы начальніка Галоўнага ўпраўлення сувязі Узброеных сіл Расіі — намесніка начальніка Генштаба генерал-лейтэнанта Вадзіма Шамарына. СК абвінавачвае яго ў атрыманні хабару ў памеры 36 мільёнаў рублёў. 

У сярэдзіне мая быў узяты пад варту начальнік Галоўнага ўпраўлення кадраў Мінабароны Юрый Кузняцоў па падазрэнні ў атрыманні хабару ў памеры 30,5 млн руб. 

А ў канцы красавіка, незадоўга да сыходу Шайгу з пасады міністра абароны, па такім жа артыкуле быў арыштаваны і адпраўлены ў СІЗА намеснік міністра абароны Цімур Іваноў. Яго абвінавачваюць у атрыманні хабару ў памеры 1,185 млрд руб. 

Акрамя таго, былі арыштаваны былы камандуючы 58-й арміяй Паўднёвай ваеннай акругі генерал Іван Папоў (яго абвінавачваюць у махлярстве) і кіраўнік дэпартамента па забеспячэнні дзяржзаказу Мінабароны Уладзімір Верцялецкі.

Каментары7

  • gust
    27.05.2024
    Ёсць такая прафесія - радзіму раскрадаць. Пажылi добра, накралі мільярдаў - дайце iншым накрасцi
  • Ёсік
    27.05.2024
    А можа трэба было падумаць не адзін раз, паслухаць сапраўдную інфармацыю аб становішчы войскаў украінскіх і настрояў украінцаў. Бо як у Беларусі - бондарава, эльвіра-татарка, сёстры ў сукенках са сьцягоў хочуць пераканаць расейцаў, што ў Беларусі толькі і чакаюць, каб атрымаць іхны пашпарт. А на самой справе - ідзіце вы за сваім караблём. Спачатку аба.раўся сам, а зараз успомніў, што ёсьць з кага спытаць.
  • для закрепления результата -
    27.05.2024
    не исключена бомбардировка своих приграничных городов и мероприятия с доставкой рязанского сахара в очередной «крокус», также у себя, в улусе Джучи - чтоб по итогу повесить сроки на гастеров-мимокрокодилов и медали - на метких снайперов. «кромсай своих, чтоб чужие боялись».

Цяпер чытаюць

Гірын, Буры і нават Кныровіч адрэагавалі на артыкул пра самую модную пару беларускай апазіцыі17

Гірын, Буры і нават Кныровіч адрэагавалі на артыкул пра самую модную пару беларускай апазіцыі

Усе навіны →
Усе навіны

Зяленскі зацвердзіў групу, якая будзе весці мірныя перамовы2

Што зменіцца для маркетплэйсаў і калі ўвядуць аплату толькі безнаяўнымі? Расказалі ў міністэрстве

Павел Дураў пакінуў Францыю і адправіўся ў Дубай па дазволе суда5

Туск пра выхад Сабаленкі і Андрэевай у фінал Індыян-Уэлса: Расія і Беларусь перамаглі Польшчу і ЗША. Я не рады4

Зяленскі: Расія мае намер уварвацца ў Сумскую вобласць3

Нам трэба лідар-атаман? Гісторык Цімох Акудовіч — пра стратэгію выжывання беларусаў і што рабіць з Расіяй25

Трамп падпісаў указ аб значных скарачэннях на «Радыё Свабода» і яшчэ шасці навінавых карпарацыях28

Мінчанка аднесла падушку ў чыстку, а там знайшлі 4 тысячы даляраў2

У ДТЗ пад Быхавам траўмаваныя сем чалавек, у тым ліку трое дзяцей

больш чытаных навін
больш лайканых навін

Гірын, Буры і нават Кныровіч адрэагавалі на артыкул пра самую модную пару беларускай апазіцыі17

Гірын, Буры і нават Кныровіч адрэагавалі на артыкул пра самую модную пару беларускай апазіцыі

Галоўнае
Усе навіны →

Заўвага:

 

 

 

 

Закрыць Паведаміць