У фінальнай заяве саміту лідараў Вялікай сямёркі згадваецца сітуацыя ў Беларусі
На сайце Белага Дома з'явілася заява лідараў краін G7, выдадзеная па выніках штогадовага саміту гэтага аб'яднання. Лідары вядучых краін заходняга свету не абышлі ўвагай і сітуацыю ў Беларусі.
«Мы пацвярджаем наша асуджэнне саўдзелу беларускага рэжыму ў вайне Расіі супраць Украіны. Выказваем занепакоенасць рэпрэсіямі рэжыму ў дачыненні да незалежных СМІ, грамадзянскай супольнасці, апазіцыі і грамадзян, якія мірна выказваюць свае погляды. Мы таксама асуджаем жорсткае абыходжанне з палітычнымі зняволенымі і патрабуем іх неадкладнага і безумоўнага вызвалення», — гаворыцца ў заяве.
Акрамя таго, лідары G7 асудзілі і безадказную, пагрозлівую ядзерную рыторыку Расіі, яе пазіцыю стратэгічнага запалохвання, уключаючы заявы Расіі аб размяшчэнні ядзернай зброі ў Беларусі.
Цяпер чытаюць
Вызваленыя беларускія палітвязні паразмаўлялі з Зяленскім9
Каментары