За негатыўны каментар пра Лукашэнку жыхарку Магілёва асудзілі на паўтара года калоніі
У судзе Ленінскага раёна Магілёва за негатыўны каментар пад фатаграфіяй Лукашэнкі ў чаце асудзілі Алену Дуброўскую. Суддзя Алена Літвіна 17 красавіка прызнала яе вінаватай паводле ч.1 арт. 368 Крымінальнага кодэкса, піша «Вясна».
Паводле версіі абвінавачвання, Алена Дуброўская, выкарыстоўваючы мабільны тэлефон, пад допісам з фатаграфіяй Аляксандра Лукашэнкі, апублікаваных у «экстрэмісцкім чаце», размясціла каментар з негатыўнай ацэнкай асобы Лукашэнкі, які змяшчае ненарматыўную форму маўленчага выказвання. У судовым пасяджэнні жанчына прызнала віну цалкам.
У выніку суд Ленінскага раёна Магілёва асудзіў яе да аднаго года і шасці месяцаў калоніі.
Алена Дуброўская падавала апеляцыйную скаргу. Судовая калегія Магілёўскага абласнога суда разгледзела яе 20 чэрвеня, але пакінула скаргу без задавальнення, а прысуд — без змены.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары