Польшча працягнула спрошчаны парадак выдачы беларусам праязнога дакумента іншаземца
Ільготы цяпер будуць дзейнічаць да 31 снежня.
Польскія ўлады працягнулі перыяд дзеяння спрошчанага парадку выдачы праязнога дакумента іншаземца грамадзянам Беларусі.
У 2023 годзе беларусы былі вызваленыя ад аплаты пошліны за праязны дакумент, а таксама для грамадзян Беларусі былі ўведзеныя льготныя ўмовы. Атрымаць праязны дакумент іншаземца могуць усе беларусы, у якіх ёсць ДНЖ або ПМЖ у Польшчы, і ў якіх скончыўся тэрмін дзеяння беларускага пашпарта, альбо ён быў згублены.
Пры гэтым атрымаць праязны дакумент могуць беларусы з ДНЖ незалежна ад падстаў яго атрымання — раней на такі дакумент маглі разлічваць толькі тыя, хто пераехаў у Польшчу з гуманітарных прычын і змог давесці чыноўнікам, што не мае магчымасці атрымаць новы беларускі пашпарт.
Ільготны перыяд, які мінаў 1 ліпеня, цяпер працягнуты да 31 снежня. Польскія ўлады працягваюць гэтыя правілы на паўгода ўжо другі раз запар.
З польскім праязным дакументам беларусы, якія не могуць паехаць на радзіму, маюць магчымасць падарожнічаць у краіны Шэнгенскай зоны. Акрамя таго, з ім можна атрымліваць візы для паездак у іншыя дзяржавы.
Таксама ў інструкцыі МУС Польшчы сцвярджаецца, што праязны дакумент можа лічыцца паўнавартасным пасведчаннем асобы.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары