Амерыканскі журналіст Такер Карлсан паведаміў у твітары, што неўзабаве можа зʼявіцца ягонае інтэрвʼю з прэзідэнтам Украіны Уладзімірам Зяленскім.
«Падобна, у нас ёсць інтэрвʼю з Зяленскім», — напісаў Карлсан. Ён дадаў, што дамовіцца аб гэтым інтэрвʼю спрабаваў на працягу двух гадоў, а з асаблівай інтэнсіўнасцю пасля інтэрвʼю з Пуціным у лютым.
«Справа ў тым, каб данесці да амерыканцаў вельмі неабходную інфармацыю аб канфлікце, які поўнасцю мяняе пазіцыю іх краіны ў свеце. Мы спадзяемся, што гэта адбудзецца неўзабаве», — напісаў ён.
9 лютага інтэрвʼю Карлсану даў Уладзімір Пуцін, дзе ў чарговы раз заявіў, што ўкраінцы — гэта тыя ж рускія, а Украіны як такой не існуе. Карлсан у падкасце іншага амерыканскага журналіста распавёў пра свае ўражанні ад інтэрвʼю з Пуціным і прызнаў, што Крэмль спрабуе дэманізаваць украінцаў, называючы іх нацыстамі. «Я думаю, гэта самае тупое, што я калі-небудзь чуў», — выказаў сваё меркаванне Карлсан.
Каля плошчы Бангалор у Мінску вырас яшчэ адзін звышсакрэтны аб’ект12
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары