Лідар чэмпіянату Беларусі вылецеў з нятопавага еўракубка ўжо на першай стадыі кваліфікацыі
«Тарпеда-БелАЗ» выбыла ўжо ў першым раўндзе кваліфікацыі Лігі канферэнцый — трэцяга па ранжыру турніру.
«Тарпеда-БелАЗ» па суме двух матчаў прайграла малдоўскаму «Мілсамі».
Тыдзень таму ў Венгрыі на хатня-нейтральным полі жодзінцы прайгралі 2:4, а сёння ў Малдове была нічыя 0:0. «Мілсамі» выйшаў у другі раўнд.
«Тарпеда-БелАЗ» пасля першага круга лідзіруе ў нацыянальным чэмпіянаце, дзелячы вяршыню з мінскім «Дынама». У клубаў па 35 балаў, «Дынама» вышэй за кошт дадатковых паказчыкаў.
БАТЭ, дарэчы, толькі на 10-м месцы.
У гэтыя хвіліны «Іслач» прымае на ўмоўна сваім полі ў Венгрыі «Ля Фіярыту» з Сан-Марына. Тыдзень таму «Іслач» выйграла ў гасцях 1:0.
Гродзенскі «Нёман» возьме старт адразу з другога раўнду Лігі канферэнцый, яго супернікам будзе румынскі «Клуж».
Нагадаем, што чэмпіён краіны мінскае «Дынама» прайшло першы этап кваліфікацыі Лігі чэмпіёнаў. Супернікам у другім раўндзе будзе балгарскі «Лудагорац».
Усе першыя матчы пройдуць на наступным тыдні.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці48
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары