Сырскі за сёння зрабіў Зяленскаму тры даклады — «менавіта такія, якія патрэбныя»
Прэзідэнт Украіны Уладзімір Зяленскі выступіў з відэазваротам, прысвечаным ваенным пытанням. Адкрыта пра аперацыю УСУ ў расійскай Курскай вобласці ён не казаў, але ўскосна на яе намякаў.
Паводле слоў Зяленскага, галоўнакамандуючы УСУ Аляксандр Сырскі зрабіў яму сёння ўжо тры даклады, прытым яны «выніковыя — менавіта такія, якія патрэбныя нашай дзяржаве цяпер».
Зяленскі выказаў падзяку ўкраінскім ваярам, якія забяспечваюць «выкананне задач нашай абароны» і падкрэсліў, што ўкраінцы ўмеюць дасягаць сваіх мэтаў, а тое, што гэтыя мэты — ваенныя, не іх віна.
«Расія прынесла вайну на нашу зямлю і павінна адчуваць, што ёю зроблена. Мы ж імкнёмся як мага хутчэй дасягаць сваіх мэтаў у мірны час — ва ўмовах справядлівага свету», — заявіў украінскі прэзідэнт.
Акрамя таго, ён паведаміў, што сёння яму таксама зрабілі даклады міністр абароны Рустэм Умераў і кіраўнік СБУ Васіль Малюк. З першым абмяркоўвалася своечасовасць паставак узбраення і тэхнікі, а другі дакладваў «пра нашы аперацыі і пра далікатную працу СБУ, якая абараняе ўкраінцаў — абараняе ад расійскіх дыверсій і спробаў замахаў унутры нашай дзяржавы».
Рыбар: Сітуацыя ў Суджанскім раёне цяжкая
У Курскую вобласць з Малі перакідваюць баевікоў ПВК «Вагнер»
З'явілася ВІДЭА таго, як расійскія памежнікі здаліся ў палон
«Агрэсар заўсёды пажынае адпаведныя плады». Міхаіл Падаляк — пра «недатыкальнасць расійскай тэрыторыі»
Раніца 8 жніўня: Украіна кантралюе Суджу, Коранева ўзяць не ўдалося, УСУ рухаюцца ў кірунку Льгова
Баі ў Курскай вобласці — якія мэты могуць пераследваць УСУ?
Цяпер чытаюць
«Адны вераць, што вернуцца, іншыя — не». Як працуе беларуская школа ў Польшчы1
Каментары