U centry Hrodna pradajuć kvateru z šykoŭnym vidam z bałkona. Kolki prosiać za adnapakajoŭku
Takaja kvatera ŭ Hrodnie — redkaja prapanova.
Kvatera znachodzicca pa adrasie vuł. Mastavaja, 33. Adnapakajoŭka mieścicca na druhim paviersie 5-paviarchovaha doma 1962 hoda pabudovy. Ahulnaja płošča — 31 m².
Kvateru acanili ŭ 47 tysiač dalaraŭ, ci pa $1500 za «kvadrat», što pryblizna ŭ paŭtara razu daražej, čym siaredniaja cana «mietra» ŭ adnapakajoŭkach pa Hrodnie.
Ramont u kvatery davoli ścipły. U pakoi šmat lapniny z hipsakardonu, stol dvuchuzroŭnievaja z hałahiennymi lampačkami, dźviarny prajom vykanany ŭ vyhladzi paŭarki. Takija elemienty dyzajnu byli papularnyja ŭ pačatku nulavych.
Vidavočna, što vysoki košt abumoŭleny nie najaŭnaściu sučasnaha ramontu, a hieahrafičnym raspałažeńniem. Z bałkona kvatery adkryvajecca šykoŭny vid na Hrodzienski abłasny dramatyčny teatr, kaścioł Zdabyćcia Śviatoha Kryža i klaštar biernardzincaŭ. Hety kaścioł — najstarejšy dziejny katalicki chram u Hrodnie.
Dla pastajannaha pražyvańnia hetaja kvatera, mahčyma, nie samy lepšy varyjant u horadzie, bo vokny vychodziać na ažyŭlenuju darohu. A voś dla pasutkavaj zdačy turystam taki varyjant vydatna pasuje. Asabliva z ulikam taho, što Hrodna ŭ apošnija hady pieražyvaje sapraŭdny turystyčny bum i kvatery ŭ centry ŭ pikavyja dni zdajuć pa 100 dalaraŭ za sutki.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary