Грамадства1111

Васілеўская зорка: прапаганда нарэшце стварыла афіцыйны акаўнт у інстаграме для касмічнай турысткі

Стары акаўнт Марыны Васілеўскай у інстаграме нечакана зрабілі адкрытым — але папярэдне выдалілі адтуль усе фотаздымкі. Затое стварылі для яе новую, ідэалагічна вывераную старонку.

Марына Васілеўская. Тут і далей фота з яе інстаграму

Нікнэйм для інстаграма першай айчыннай касмічнай турысткі абралі vasileuskaya_zorka, і нават шапку профілю зрабілі на беларускай мове. Там пазначана, што Марына з’яўляецца гераіняй Беларусі і ўзнагароджана расійскім ордэнам Гагарына. Згаданы і Беларускі фонд міру — нядаўна Васілеўская атрымала пасаду намесніка старшыні праўлення па міжнародна-міратворчай і гуманітарнай дзейнасці.

Пакуль што ў новым акаўнце ўсяго толькі два допісы. У першым — фота ў скафандры, якое рабілі перад палётам у космас. У другім — фоты часоў працы сцюардэсай у «Белавіа». Марына ў чарговы раз старанна паўтарае прыдуманую для яе легенду: «Адлятаўшы 7 шчаслівых гадоў, я ў думках адправіла запыт у Сусвет, што хачу вышэй. Я заўсёды імкнулася да спазнання новага, светлага, добрага, і дарога да зорак аказалася рэальнай! Космас выбраў мяне!»

У сторыс Марына ў асноўным паказвае фотаздымкі з ідэалагічных мерапрыемстваў, у якіх удзельнічае, і рэпосціць навіны афіцыйных СМІ пра сябе.

Нагадаем: беларуская прапаганда ад самага пачатку біяграфію Марыі Васілеўскай спрабавала напісаць амаль што з нуля, пакінуўшы ў яе гісторыі шмат белых плям. Напрыклад, чамусьці спрабавалі схаваць і судзімасць бацькі, і няўдалы шлюб, і першыя месцы працы.

Нават пра вышэйшую адукацыю дзяўчыны (былі пытанні, ці ёсць у яе хоць які-небудзь дыплом) саромеліся казаць. Але ў апошняга пункту ёсць больш-менш лагічнае тлумачэнне. Бо спачатку ва ўсіх навінах, прысвечаных адбору беларускі для палёту ў космас, пісалі: «Свае заяўкі на палёт у Беларусі падалі больш за 3 тысячы чалавек. Крытэрыі адбору кандыдатак былі жорсткія: узрост — 25-40 гадоў, вышэйшая адукацыя па кірунках «фізіка», «хімія», «біялогія», «матэматыка», «ракетна-касмічная тэхніка». Абавязковай умовай было таксама веданне англійскай мовы». І ва ўсім свеце сапраўды так: касманаўткі маюць дыпломы сур’ёзных ВНУ і навуковыя працы. Марына Васілеўская скончыла прыватны Мінскі інавацыйны ўніверсітэт па спецыяльнасці «менеджар-эканаміст».

Стары інстаграм Марыны Васілеўскай існаваў з 2016 года. У ім на момант палёту беларускі ў космас было 18 пастоў. Хутчэй за ўсё, ужо тады яго добра пачысцілі. Адтуль папярэдне выдалілі нават каля 900 старонак, на якія была падпісана Марына. Наўрад ці там было нешта крамольнае. Але гэта ў чарговы раз сведчыць, як прапаганда саромеецца таго, што ў гераіні Беларусі было звычайнае дагеройскае жыццё. 

Каментары11

  • Гэта іншае
    02.09.2024
    Вось Васілеўская за кошт падаткаплатнікаў лятала тусануцца ў космас, а куды лятала Лебедзева? У Турцыю? Што з тварам, Ксюша?
  • балівуд прадстаўляе
    02.09.2024
    дык ці лётала яна куды? і на чым?
  • Змі
    02.09.2024
    Какая нафиг Василевская? Забыли уже про эту туристку. Ещё подвиг ей припишите…

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць