18 верасня спартовец адзначыўся асістам за «Кладна» ў стартавым матчы новага сезона чэшскай Экстралігі.
Ягоны агент Яраслаў Зідэк кажа, што 52-гадовы хакеіст завершыць кар'еру ў 2025 годзе, піша «Беларускі хакей».
— Ярамір вельмі любіць хакей. У яго вельмі добрае здароўе і няма ніякіх праблем з дысцыплінай. Менавіта за кошт гэтага ён працягвае гуляць у хакей. Зараз ён самы ўзроставы спартовец, які працягвае гуляць у хакей. Перад матчам з «Пардубіцамі» Ярамір афіцыйна абвясціў, што гэты сезон стане для яго апошнім у кар'еры.
— Чым ён плануе займацца пасля завяршэння кар'еры?
— Як вы ведаеце, ён прэзідэнт клуба «Кладна», а таксама ён уваходзіць у праўленне Чэшскай федэрацыі хакея. Чым ён будзе займацца пасля завяршэння кар'еры, акрамя займаных пасад, не ведаю, паглядзім, — цытуе агента «Матч ТВ».
Ягр з 1990 па 2001 год выступаў за «Пітсбург Пінгвінс», у складзе каманды стаў двухразовым уладальнікам Кубка Стэнлі. Таксама ён абараняў колеры «Вашынгтон Кэпіталс», «Нью‑Ёрк Рэйнджэрс», «Філадэльфіі Флаерс», «Далас Старс», «Бостан Бруінс», «Нью‑Джэрсі Дэвілз», «Флорыды Пантэрс» і «Калгары Флэймс», расійскі «Авангард».
Каментары