Палатка, у якой Аляксандр Лукашэнка праводзіў нараду з вайскоўцамі, была абсталявана мінімум чатырма мабільнымі кандыцыянерамі.
Мабільныя кандыцыянеры ў палатцы, дзе Лукашэнка праводзіць нараду падчас наведвання 230-га агульнавайсковага палігона Абуз-Лясноўскі, можна заўважыць як на здымках, якія распаўсюдзіла БелТА, так і на відэа тэлеграм-канала «Пул Первого».
Даўно вядома, што Лукашэнка не пераносіць гарачыні. У памяшканнях, дзе ён праводзіць нарады, звычайна падтрымліваецца тэмпература ніжэй за 18 градусаў.
Згодна з інфармацыяй метэарэсурсаў, учора ў ваколіцах Баранавічаў, дзе знаходзіцца Абуз-Лясноўскі палігон, максімум было +25,7 градуса.
Мабільныя кандыцыянеры характарызуюцца даволі нізкай эфектыўнасцю. Так пры магутнасці 1 кВт такі кандыцыянер ахалоджвае прыкладна 10 квадратных метраў плошчы. Таму для эфектыўнага зніжэння тэмпературы ў памяшканнях вялікай плошчы патрабуецца іх некалькі. На здымках з нарады можна налічыць як мінімум чатыры такія прыборы.
На відэа можна заўважыць, што Лукашэнка адзіны сядзіць у сарочцы з кароткімі рукавамі — у адрозненне ад вайскоўцаў, на якіх кіцелі ці курткі.
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала25
Каментары