Самаробнае судна не вытрымала выхаду ў раку.
Пенсіянер з Маладзечна раніцай 6 кастрычніка адправіўся на рыбалку на Заходняй Бярэзіне на самаробнай лодцы з пенаплексу. Усё скончылася трагедыяй.
Прыкладна а 11:30 рыбак, які знаходзіўся на беразе, пачуў крыкі аб дапамозе. Пайшоўшы на голас, мужчына выявіў толькі самаробную пенаплексавую лодку з пашкоджаным бортам на адлегласці 100 метраў ад берага.
Знайсці самога патанулага не ўдалося, і рыбак выклікаў ратавальнікаў. Праз некалькі гадзін супрацоўнікі МНС знайшлі цела загінулага 66-гадовага мужчыны.
Эксперты, якія прыбылі на месца, узялі пробы вады, а таксама знайшлі самаробную лодку, мабільны тэлефон, рыбалоўныя прыналежнасці і дакументы загінулага, апыталі відавочцаў. Па справе будзе праведзена судова-медыцынская экспертыза, а Следчы камітэт Маладзечанскага раёна высветліць усе абставіны няшчаснага выпадку.
Пенаплекс — матэрыял прыкладна таго ж роду, што і пенапласт, яго выкарыстоўваюць для ўцяплення сцен. У пенаплексу вышэйшая шчыльнасць і трываласць. Аднак гэтага ўсё роўна недастаткова для вырабу лодкі. Акрамя таго, у пенсіянера не было з сабой выратавальнай камізэлькі або круга, што таксама паспрыяла трагедыі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары