Прэзідэнцкія выбары ў Грузіі прызначылі на 14 снежня, яны пройдуць па новай сістэме
Кіроўная партыя «Грузінская мара» прызначыла выбары прэзідэнта краіны на 14 снежня, паведамляе грузінская служба Радыё Свабода.
Прызначэнне даты падтрымалі 80 дэпутатаў, супраць не выказаўся ніхто. Чатыры апазіцыйныя партыі адмовіліся заходзіць у парламент і байкатуюць яго пасяджэнні.
Выбары ўпершыню адбудуцца па новай сістэме — не агульнанацыянальным галасаваннем, а праз калегію выбаршчыкаў.
У яе ўвойдуць 300 членаў: усе 150 дэпутатаў парламента, дэпутаты Вярхоўных саветаў Аджарыі і Абхазіі — 21 і 20 адпаведна, і 109 дэлегатаў ад муніцыпальных саветаў.
Для перамогі ў першым туры кандыдат павінен набраць не менш за дзвесце галасоў. Калі спатрэбіцца другі тур, ён адбудзецца ў той самы дзень. Выбары пройдуць у будынку парламента. Зала пасяджэнняў будзе абсталявана як выбарчы ўчастак, выбаршчыкі будуць галасаваць бюлетэнямі. Усе этапы, у тым ліку падлік галасоў, будуць паказаны ў прамым эфіры.
Інаўгурацыя новага прэзідэнта адбудзецца 29 снежня — на пяць гадоў. Саломе Зурабішвілі заняла гэту пасаду ў 2018 годзе пры падтрымцы «Грузінскай мары», але пазней разышлася з ёй у ацэнцы падзей.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары