Prezidenckija vybary ŭ Hruzii pryznačyli na 14 śniežnia, jany projduć pa novaj sistemie
Kiroŭnaja partyja «Hruzinskaja mara» pryznačyła vybary prezidenta krainy na 14 śniežnia, paviedamlaje hruzinskaja słužba Radyjo Svaboda.
Pryznačeńnie daty padtrymali 80 deputataŭ, suprać nie vykazaŭsia nichto. Čatyry apazicyjnyja partyi admovilisia zachodzić u parłamient i bajkatujuć jaho pasiadžeńni.
Vybary ŭpieršyniu adbuducca pa novaj sistemie — nie ahulnanacyjanalnym hałasavańniem, a praz kalehiju vybarščykaŭ.
U jaje ŭvojduć 300 členaŭ: usie 150 deputataŭ parłamienta, deputaty Viarchoŭnych savietaŭ Adžaryi i Abchazii — 21 i 20 adpaviedna, i 109 delehataŭ ad municypalnych savietaŭ.
Dla pieramohi ŭ pieršym tury kandydat pavinien nabrać nie mienš za dźvieście hałasoŭ. Kali spatrebicca druhi tur, jon adbudziecca ŭ toj samy dzień. Vybary projduć u budynku parłamienta. Zała pasiadžeńniaŭ budzie abstalavana jak vybarčy ŭčastak, vybarščyki buduć hałasavać biuleteniami. Usie etapy, u tym liku padlik hałasoŭ, buduć pakazany ŭ pramym efiry.
Inaŭhuracyja novaha prezidenta adbudziecca 29 śniežnia — na piać hadoŭ. Sałomie Zurabišvili zaniała hetu pasadu ŭ 2018 hodzie pry padtrymcy «Hruzinskaj mary», ale paźniej razyšłasia ź joj u acency padziej.
-
Biełaruska stała ŭ Ispanii buktokierkaj i napisała raman pra «Formułu-1»
-
Padpał u vilenskaj IKEA letaś zładziŭ ukrainski padletak. Jon zachoŭvaŭ na vakzale sumku z vybuchoŭkaj, telefonami i vibratarami
-
Tramp prypyniŭ uviadzieńnie mytaŭ paśla taho, jak Japonija pačała raspradavać amierykanskija dziaržablihacyi
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1
Kamientary