Грузінскі прэм'ер абвінаваціў еўрапейскіх палітыкаў і «пятую калону» ў арганізацыі пратэстаў у Тбілісі
Аб гэтым Іраклій Кабахідзэ заявіў падчас тэрміновага брыфінгу. Паводле яго слоў, улады Грузіі не дазволяць у краіне «Нацмайдану».
«Нас турбуе тое, што да сённяшняга дня мы не пачулі заклікаў ад якой-небудзь замежнай арганізацыі адносна мірнага выказвання пратэсту. <…> Мы заклікаем замежныя арганізацыі спыніць падтрымку гвалтоўных і беспадстаўных пратэстаў, якія распальваюць антыеўрапейскія настроі ў грузінскім грамадстве», — сказаў Кабахідзэ.
Таксама ён заявіў, што працэс еўраінтэграцыі Грузіі не быў замарожаны ці выключаны, а толькі зняты з парадку дня да 2028 года. Паводле яго слоў, улады пайшлі на гэты крок, каб пазбегнуць крокаў з боку ЕС.
28 лістапада Кабахідзэ абвясціў, што Грузія адмаўляецца ад любога абмеркавання з Еўрасаюзам пытання аб уступленні ў альянс да 2028 года. Пасля гэтага прэзідэнт Грузіі Саламе Зурабішвілі абвінаваціла ўрад у канстытуцыйным перавароце.
Грамадзяне краіны два дні запар выходзяць на пратэсныя акцыі.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект22
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары