Спікер літоўскага парламента заклікаў не пагаршаць умовы для беларусаў у Літве
Новаабраны спікер літоўскага парламента Саўлюс Сквярняліс сустрэўся са Святланай Ціханоўскай і абмеркаваў пытанне хуткага завяршэння ў Беларусі кампаніі па пераабранні Лукашэнкі, а таксама становішча беларускай дыяспары ў Літве. Па выніках сустрэчы ён зрабіў некалькі важных заяў.
Саўлюс Сквярняліс лічыць, што працэс, які цяпер праходзіць у Беларусі і мае скончыцца 26 студзеня, нельга называць выбарамі.
«Самы галоўны пасыл заключаецца ў тым, што нельга называць працэс, які будзе адбывацца ў Беларусі, выбарамі. Не трэба больш чакаць, пакуль адбудзецца гэты фарс, а потым прымаць нейкія палітычныя рашэнні. Загадзя можна меркаваць, што гэта не мае ніякага дачынення да выбараў», — заявіў спікер літоўскага Сейма.
Каментуючы прапанову ўрада аб працягванні дзеяння нацыянальных санкцый супраць грамадзян Расіі і Беларусі яшчэ на год, да 2 мая 2026 года, Саўлюс Сквярняліс заявіў, што не бачыць неабходнасці ва ўзмацненні іх строгасці.
Паводле слоў палітыка, неабходна захаваць цяперашні статус-кво, каб беларусы, якія жывуць цяпер у Літве, маглі будаваць планы на будучыню і лепш інтэгравацца ў жыццё дзяржавы.
«Я лічу, што трэба захаваць статус-кво. Сёння мы [са Святланай Ціханоўскай] гаварылі пра тое, што ўжо ёсць некаторая напружанасць з нагоды рашэнняў, прынятых у дачыненні да тых людзей, якія беглі сюды ад рэжыму і перанеслі сюды свой бізнэс», — заявіў Саўлюс Сквярняліс журналістам у Сейме ў аўторак.
«Такая незразумелая трактоўка існуе з-за стаўлення да іх саміх — мы нібыта і запрасілі да пераносу бізнесу, асабліва які стварае высокую дадатковую вартасць, цяпер кажам, што можа не надта яны нам і патрэбныя», — кажа палітык.
Кіраўнік парламента перакананы, што, калі б беларускія ўцекачы ад рэжыму бачылі сваю будучыню ў Літве, то іх інтэграцыйныя працэсы таксама працякалі б значна хутчэй.
«Усё ж такі тая супольнасць, якая тут, калі б яна бачыла доўгатэрміновую перспектыву, то інтэграцыйныя працэсы — вывучэнне літоўскай мовы, інтэграцыя ў наша грамадства, былі б лягчэйшымі. Калі няма яснасці, даводзіцца жыць на валізках, то тая інтэграцыя сапраўды не можа быць паспяховай», — сказаў Скверняліс.
Беларуская бізнэс-лэдзі, якая жыве ў Літве, уключыла навагодні зварот Лукашэнкі. І адхапіла ў сацсетках
Літовец спрабаваў трапіць у Беларусь па пашпарце сябра. Выявілася, гэта псеўдамільянер, якога ў Літве абвінавачваюць у махлярстве
Памёр былы мітрапаліт Літвы Хрызастом — адзіны архіерэй РПЦ, які публічна прызнаў факт супрацы з КДБ
Беларусы сталі меней ездзіць у Літву — статыстыка
Нелегальных мігрантаў на мяжы Літвы з Беларуссю не фіксуюць ужо 15 дзён
Цяпер чытаюць
«У капцюрох ГПУ». Стагоддзе небяспечнай наіўнасці і дарэмных мараў беларускай эміграцыі6
Каментары
На якой мове гаварылі?