Спецслужбы Польшчы затрымалі трох грамадзян Беларусі і двух украінцаў за супрацоўніцтва з замежнай разведкай. Паводле версіі следства, яны атрымлівалі заданні праз мэсэнджар Telegram, а ўзнагароджанне — у крыптавалюце. Пра справу расказалі ў Нацыянальнай пракуратуры Польшчы, піша Most.
Паводле звестак польскай пракуратуры, заданні іншаземцы выконвалі з сакавіка 2024 года да лютага 2025‑га ў Жэшаве, Варшаве, Лодзі і іншых населеных пунктах. У іх задачы ўваходзіла фатаграфаванне аб'ектаў крытычнай інфраструктуры і месцаў, важных для бяспекі дзяржавы. Акрамя таго, яны павінны былі развешваць плакаты і маляваць графіці.
Затрымалі падазраваных 25 і 26 лістапада. Пракуратура паведаміла іх імёны. Гэта грамадзяне Беларусі Вікторыя M., Антон M. і Уладзімір У., а таксама грамадзяне Украіны Аляксандр С. і непаўналетняя Соф'я Х.
Іх ужо дапыталі і выставілі абвінавачванні. Па інкрымінаваных артыкулах ім можа пагражаць ад 5 да 30 гадоў пазбаўлення волі.
Вікторыю M., Антона M. і Аляксандра С. суд пастанавіў арыштаваць на тры месяцы. Соф'ю Х. змясцілі ў цэнтр для непаўналетніх. Уладзіміру У. забаронена пакідаць краіну, а меру стрымання, не звязаную з пазбаўленнем волі, яму абралі з-за праблем са здароўем.
Польшча распачала крымінальную справу за спробу вярбоўкі беларускімі спецслужбамі супрацоўнікаў НАУ
У Польшчы расказалі падрабязнасці пра справу расійскага апазіцыянера, які аказаўся шпіёнам
У затрыманага ў Польшчы таксіста-шпіёна знайшлі спіс беларусаў, за якімі ён меў заданне сачыць
У Еўропе выкрылі беларускую шпіёнскую сетку. Арыштавалі былога кіраўніка малдаўскай контрразведкі
Памілаваны і дэпартаваны ўкраінец Катовіч расказаў, за якую абразу на яго пакрыўдзіўся Лукашэнка1
Каментары
А вот Лукашенко плевал на проблемы со здоровьем у тех, кто против него! Рак, ковид и так далее* плевать, в тюрьму!...
Поляки не понимают, с кем имеют дело!