Латушка пра выбары: За мяне пастаўце і за тых, хто быў вымушаны з'ехаць
Намеснік кіраўніка Аб'яднанага пераходнага кабінета і кіраўнік Народнага антыкрызіснага ўпраўлення звярнуўся да беларусаў напярэдадні «выбараў», прызначаных на 26 студзеня.
«Многія з вас не прымаюць таго, што адбываецца ў нашай краіне. Многія з вас у 2020 годзе галасавалі за перамены, выходзілі на мірныя акцыі пратэсту. У вас была надзея. Але Лукашэнка самым цынічным чынам скраў гэтую надзею. Я ведаю, што цяпер вы вымушаны маўчаць, але не таму, што вы змірыліся або пагадзіліся з тым, што адбываецца. Вы маўчыце дзеля свабоды і бяспекі сваіх дзяцей і бацькоў. Але я ведаю, што вы па-ранейшаму верыце ў лепшае, спадзяецеся на змены ў нашай краіне», — напісаў ён.
Павел Латушка зазначае, што людзі бачаць, як некаторых з іх калег звольнілі за іх меркаванне, за іх грамадзянскую пазіцыю, хтосьці ўжо з’ехаў з Беларусі або збіраецца.
«Вы бачыце, як установы, у якіх вы працуеце, напоўнілі ідэалагічнай мішурой: праводзяць ідэалагічныя сходы, лекцыі і іншую бессэнсоўную дзейнасць. Вы вымушаны ўдзельнічаць у гэтай лухце дзеля птушачкі, хоць у душы, вядома, не прымаеце ўсяго гэтага», — зазначае ён і канстатуе, што разлічваць на штосьці большае проста немагчыма.
«Але я ведаю, што ў вас ёсць сваё меркаванне. Я ведаю, што вы не згодныя з тым, што робіць Лукашэнка з нашай краінай. І прапаную бяспечна выказаць свой пратэст — паставіць знак у графе супраць усіх! І вялікая просьба: зрабіце гэта і за мяне. І за тых, хто апынуўся па-за межамі нашай Беларусі. Мы з вамі!» — рэкамендуе палітык.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары
Усе на выбары! Ура!