«Ствараюцца камфортныя ўмовы». Міністр адукацыі выказаўся пра датэрміновае галасаванне студэнтаў
Ён таксама адзначыў, што студэнты «актыўна ўдзельнічаюць у датэрміновым галасаванні».
Міністр адукацыі Андрэй Іванец пракаментаваў удзел студэнтаў у датэрміновым галасаванні на прэзідэнцкіх выбарах, паведамляе тэлеграм-канал ведамства.
Галасуючы датэрмінова, кіраўнік Міністэрства адукацыі адзначыў, што гэта яго асабістая традыцыя: «Потым у выхадныя можна спакойна правесці час з сям’ёй, прысвяціць яго працы і асабістым справам».
Ён таксама адзначыў, што студэнты актыўна ўдзельнічаюць у датэрміновым галасаванні. На дадзены момант у многіх студэнтаў праходзіць сесія, і не ўсе могуць паехаць дадому, каб прагаласаваць. Таму для студэнтаў стварылі неабходныя ўмовы, каб тыя, хто пражывае ў інтэрнатах, маглі спакойна прагаласаваць у зручны час, як датэрмінова, так і ў дзень выбараў.
«Сучасная моладзь актыўна ўключана ў грамадскае жыццё», — падсумаваў міністр.
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары
У 2022 ўсіх студэнтаў, хто жыве ў інтэрнаце, пад пагрозай пазбаўлення магчымасці пражывання ў ім, "настойліва папрасілі" прагаласаваць датэрмінова.
Да тых, хто не прагаласаваў, дэканы факультэтаў прыходзілі асабіста ў пакоі ў свой працоўны (!) час і пыталі, чаму не галасуеце, змушаючы ісці "падымаць яўку", бо павінна быць блізка 100%.
Вядома пра выпадкі, што людзям інтэрнат так і не далі на наступны навучальны год, і нават больш, што некаторых адлічылі ўвогуле.