Знайсці падазраваных удалося толькі цяпер дзякуючы генетычнаму тэсту.
Суд у Магілёве будзе разглядаць справу аб забойстве з асаблівай жорсткасцю, згвалтаванні і разбоі. Злачынства адбылося ў 2000 годзе, але раскрыць яго ўдалося толькі зараз.
На лаве падсудных двое жыхароў Магілёва. Па дадзеных следства, 14 чэрвеня 2000 года яны напалі на незнаёмую дзяўчыну на вуліцы Крыленкі.
П'яныя мужчыны жорстка збілі дзяўчыну, згвалтавалі яе, а затым абрабавалі ахвяру і ўцяклі. Ад атрыманых траўм дзяўчына памерла на месцы.
Справа доўгі час заставалася нераскрытай. Аднак дзякуючы генетычнаму тэсту падазраваных удалося знайсці. Ім выстаўленыя абвінавачанні па некалькіх крымінальных артыкулах — забойства, згвалтаванне і гвалтоўныя дзеянні сэксуальнага характару.
Каментары