Цыгарэты перавозілі на двух грузавіках. Гэта самая вялікая партыя нелегальных цыгарэт на літоўскай мытні з пачатку года.
Як паведамляе мытня Літвы, у ноч з 12 на 13 лютага на трасе А1 недалёка ад горада Вевіс з мэтай праверкі былі спыненыя два грузавікі. Кіроўцы заявілі, што вязуць з Вільні ў Польшчу пульверызатары.
У рэлізе мытнай службы Літвы паведамляецца, што падчас першаснага агляду транспарту мытнікі заўважылі, што абодва паўпрычэпы фур былі запоўненыя разнастайнымі цыгарэтамі з Беларусі.
Транспартныя сродкі накіравалі на КПП у Меднікі для дэталёвага агляду, дзе і высветлілася, што ў грузавіках у 2520 скрынках было схавана 1,26 млн пачак цыгарэт.
Кошт усёй партыі кантрабандных цыгарэт склаў 5,64 млн еўра.
Каментары