Самалёт з Мінска ў Сочы быў накіраваны ў Тбілісі, а рэйс на Батумі ўвогуле адмянілі
На ўзбярэжжы Чорнага мора цяпер назіраюцца моцныя снегапады, з-за чаго ў авіякампаніі «Белавія» ўзнікаюць праблемы з рэйсамі ў тым кірунку, паведаміла яе прэс-служба.
Ранішні рэйс з Мінска ў Сочы да месца прызначэння не даляцеў, а вымушаны быў сесці на запасным аэрадроме ў Тбілісі. Толькі праз паўтары гадзіны ён зрабіў паўторную спробу, якая гэтым разам была ўдалай.
У той жа час зваротны рэйс з Сочы ў Мінск, прызначаны на 12:30, усё яшчэ рыхтуецца да вылету.
Рэйс з Мінска ў Батумі, запланаваны на 25 лютага ў 23:05, увогуле адменены з-за снегападу і моцнага бакавога ветру ў аэрапорце прызначэння. Пассажырам прапануюць перанесці вылет на 15:00 заўтра або вярнуць кошт квітка.
Снегапады ідуць і ў грузінскім Кутаісі, таму авіякампанія раіць сачыць за навінамі і раскладам рэйсаў.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары