У Бялградзе каля ізраільскага пасольства падлетак-ісламіст напаў з нажом на жандара. Яго застрэлілі
У ноч на 28 кастрычніка ў Бялградзе адбыўся напад на супрацоўніка жандармерыі, які ахоўваў пасольства Ізраіля ў Сербіі, піша Deutsche Welle. Нападніка, непаўналетняга юнака, застрэлілі. Паводле інфармацыі сербскага грамадскага вяшчальніка RTS, ён быў прыхільнікам тэрарыстычнай арганізацыі «Ісламская дзяржава».
Як паведаміў віцэ-прэм'ер Сербіі і выканаўца абавязкаў міністра ўнутраных спраў Івіца Дачыч, юнак, выкрыкваючы «Алах акбар», напаў на жандара з двума нажамі. Супрацоўнік паліцыі застрэліў яго ў парадку самаабароны. Сам жандар атрымаў лёгкія раненні.
Па словах Дачыча, спецслужбы сачылі за падазраваным. У сваім профілі ў Instagram той публікаваў чорны сцяг і сімволіку «Ісламскай дзяржавы». Мяркуецца, што юнак быў родам з горада Шабац на захадзе Сербіі.
Пасля нападу ўлады павысілі ўзровень тэрарыстычнай пагрозы да найвышэйшага, чырвонага. Па ўсёй краіне ўзмацнілі прысутнасць паліцыі, асабліва каля аб'ектаў інфраструктуры і ў месцах масавага збору людзей.
Дзяжурны пракурор пракуратуры Бялграда агледзеў месца здарэння і прыйшоў да высновы, што выкарыстанне службовай агнястрэльнай зброі было апраўданым. Расследаванне для высвятлення ўсіх абставін інцыдэнту працягваецца.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары