Міністр замежных спраў Расіі Сяргей Лаўроў 2—3 лістапада наведае Мінск, дзе возьме ўдзел у IV Мінскай канферэнцыі па еўразійскай бяспецы. Пра гэта паведаміла афіцыйная прадстаўніца расійскага МЗС Марыя Захарава.
Лаўроў узначаліць расійскую дэлегацыю і выступіць на пленарным пасяджэнні канферэнцыі. Па словах Захаравай, асаблівую ўвагу ў сваёй прамове ён надасць расійскай ініцыятыве па фарміраванні сістэмы еўразійскай бяспекі, а таксама распрацоўцы Еўразійскай хартыі разнастайнасці і шматпалярнасці ў XXI стагоддзі.
Чакаецца, што кіраўнік расійскага МЗС таксама выкладзе сваё бачанне актуальнай ваенна-палітычнай сітуацыі ў Еўразіі.
Перад візітам у Беларусь Лаўроў возьме ўдзел у сустрэчы міністраў замежных спраў краін G20, якая пройдзе ў амерыканскай Атланце 30—31 кастрычніка.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары