Вялікую бурую пляму на руцэ Трампа заўважылі падчас яго сустрэчы з Эмануэлем Макронам у Белым доме. Фатаграфіі плямы выклікалі ў інтэрнэце спекуляцыі аб магчымай хваробе прэзідэнта ЗША, піша Bild.
Сярод іншага выказваюцца здагадкі, што гэта могуць быць наступствы інфузіі — гематома, якая часта ўзнікае пасля выдалення іголкі. У якасці прычын інфузіі захопленыя дыягностыкай карыстальнікі называюць лячэнне ад абязводжвання або недахоп вітамінаў.
Іншыя нагадваюць, што сінякі на правай руцэ назіраліся і раней. Як кажуць, Трамп нават насіў нейкі час павязку. «Дзіўна, што гэта заўсёды тая ж рука», — напісаў адзін з карыстальнікаў X.
«У каралевы Лізаветы бачылі падобныя сінякі на руках у апошні тыдзень яе жыцця», — такі адзін са шматлікіх каментароў.
Доктар з Нью-Ёрка, з якім звязаўся BILD, мяркуе, што пляма можа быць пабочным эфектам лячэння антытрамбацытарнымі прэпаратамі. Аднак для больш дакладнай ацэнкі неабходна агледзець абедзве рукі. Акрамя таго, Трамп любіць наносіць крэм для загару, што таксама абцяжарвае ацэнку загадкавых плям, мяркуе эксперт. Калі яго здагадка дакладная, то асноўныя асцярогі беспадстаўныя: гэтыя пабочныя эфекты не ўяўляюць сур'ёзнай небяспекі.
Падчас бурных інтэрнэт-дыскусій карыстальнікі ўзгадалі, што адсутнасць празрыстасці ў дачыненні здароўя Трампа крытыкавалася і раней. Падчас першага вылучэння яго кандыдатуры яго доктар — Гаральд Барнштэйн заяўляў: «Калі містар Трамп будзе абраны, я магу адназначна сказаць, што ён будзе самым здаровым чалавекам з усіх калі-небудзь абраных прэзідэнтаў». Пазней Барнштэйн прызнаў, што Трамп «прадыктаваў» яму гэта.
«Кайлас, я іду». Што за беларуска знікла ў жудасным селі ў Непале6
Каментары