Vialikuju buruju plamu na ruce Trampa zaŭvažyli padčas jaho sustrečy z Emanuelem Makronam u Biełym domie. Fatahrafii plamy vyklikali ŭ internecie śpiekulacyi ab mahčymaj chvarobie prezidenta ZŠA, piša Bild.
Siarod inšaha vykazvajucca zdahadki, što heta mohuć być nastupstvy infuzii — hiematoma, jakaja časta ŭźnikaje paśla vydaleńnia ihołki. U jakaści pryčyn infuzii zachoplenyja dyjahnostykaj karystalniki nazyvajuć lačeńnie ad abiazvodžvańnia abo niedachop vitaminaŭ.
Inšyja nahadvajuć, što siniaki na pravaj ruce naziralisia i raniej. Jak kažuć, Tramp navat nasiŭ niejki čas paviazku. «Dziŭna, što heta zaŭsiody taja ž ruka», — napisaŭ adzin z karystalnikaŭ X.
«U karalevy Lizaviety bačyli padobnyja siniaki na rukach u apošni tydzień jaje žyćcia», — taki adzin sa šmatlikich kamientaroŭ.
Doktar ź Ńju-Jorka, ź jakim źviazaŭsia BILD, miarkuje, što plama moža być pabočnym efiektam lačeńnia antytrambacytarnymi preparatami. Adnak dla bolš dakładnaj acenki nieabchodna ahledzieć abiedźvie ruki. Akramia taho, Tramp lubić nanosić krem dla zaharu, što taksama abciažarvaje acenku zahadkavych plam, miarkuje ekśpiert. Kali jaho zdahadka dakładnaja, to asnoŭnyja aściarohi biespadstaŭnyja: hetyja pabočnyja efiekty nie ŭjaŭlajuć surjoznaj niebiaśpieki.
Padčas burnych internet-dyskusij karystalniki ŭzhadali, što adsutnaść prazrystaści ŭ dačynieńni zdaroŭja Trampa krytykavałasia i raniej. Padčas pieršaha vyłučeńnia jaho kandydatury jaho doktar — Harald Barnštejn zajaŭlaŭ: «Kali mistar Tramp budzie abrany, ja mahu adnaznačna skazać, što jon budzie samym zdarovym čałaviekam z usich kali-niebudź abranych prezidentaŭ». Paźniej Barnštejn pryznaŭ, što Tramp «pradyktavaŭ» jamu heta.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary