Блогер, які затроліў Гайдукевіча, расказаў, чаму яго звольнілі з Kyky.org
Зорка тыктоку Глеб Сямёнаў запісаў апошні развітальны ролік. Ён расказаў «Нашай Ніве», у чым прычына звальнення.
Пра звальненне Глеба папярэдзілі за два тыдні. Блогер кажа, што гэта «праз Трампа». Рэдакцыя пераходзіць на рэжым жорсткай эканоміі.
«У мэтах эканоміі будуць абыходзіцца намаганнямі меншай колькасці людзей, — расказвае ён. — Наколькі я разумею, у Kyky застаюцца людзі, якія цяпер робяць рылсы, магчыма, яны стануць перазалівацца ў тыкток. Сумняюся, што з'явіцца нейкі асобны твар, які стане весці профіль. У рэдакцыі дакладна ёсць жаданне захаваць жыццё канала, але невядома, у якой форме».
Don't forget me
Глеб Сямёнаў цяпер шукае працу ў журналістыцы. Ён не хоча ісці з прафесіі, бо лічыць, што знайшоў сябе ў ёй. Глеб працягвае ўдзельнічаць у гумарыстычным шоу «о(б)суждаем», у праекце «Как это понимать» з Арцёмам Шрайбманам.
«Ёсць нейкі запас ідэй, якія я не паспеў рэалізаваць. Тыя карцінкі, якія я бачу і спрабую потым ператварыць у відэа, патрэбныя свету. Я ў гэтым упэўніўся за два гады, што вёў тыкток Kyky. Спрабую знайсці ў сабе прычыну, каб паспрабаваць зноў. Усё ж мне не 50 гадоў, не магу сказаць, што маё жыццё скончана.
Калі беларускія медыя застануцца закрытымі для ўваходу, магчыма, пайду ў расійскія, хто ведае. Уяўляю, што калі ўладкуюся ў расійскі нейкі СМІ, злыя языкі пачнуць казаць «ён пракрамлёўскі», «рускамірны», «мы ж казалі».
Сітуацыя слізкая: калі звязваеш жыццё з беларускімі медыя, то з голаду трэба памерці на вуліцы, але затое герой. А калі з расійскімі, то адразу здраднік», — кажа Глеб.
«Гэта проста я і ўсё». Блогер Глеб Сямёнаў падзяліўся асабістым — пра адносіны, сям'ю і ўражанні ад гей-клубаў
Беларускі блогер выйшаў на «Парад роўнасці» ў Варшаве з плакатам «Свабоду Гайдукевічу» ФОТАФАКТ
«Я сумую па рокерцы Качанавай, якая не баялася вымавіць слова «парнаграфія». Хто самы мемны з чыноўнікаў
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары