U Minpracy raskazali, jak možna pavialičyć piensiju pry admovie ad jaje
Načalnica Hałoŭnaha ŭpraŭleńnia piensijnaha zabieśpiačeńnia Ministerstva pracy i sacyjalnaj abarony Alena Hamarava patłumačyła BiełTA, što kožny biełarus moža paŭpłyvać na svaju piensiju.
Pa słovach Hamaravaj, pieršaja prahrama, jakaja dziejničaje ŭ Biełarusi daŭno, — adkładzienaja piensija.
«Čałaviek pry dasiahnieńni piensijnaha ŭzrostu afarmlaje piensiju, ale, praciahvajučy pracavać, moža admovicca ad jaje atrymańnia», — skazała čynoŭnica.
Jana patłumačyła, što tady, kali taki biełarus nie zmoža pracavać, to da jaho budzie zadziejničanaja bonusnaja prahrama. Pamier piensii budzie pavialičany ŭ zaležnaści ad taho, na jaki mienavita pieryjad supracoŭnik admoviŭsia ad jaje. Minimalny taki termin — dva miesiacy, a pieryjad maksimalnaha nie vyznačajecca, mohuć być i 10, i 15 hadoŭ.
Bonusnaja prahrama praduhledžvaje nastupnaje: pry admovie ad atrymańnia piensii na dva miesiacy ŭ jakaści bonusa naličvajecca jašče 1%.
«Kali ty ŭ vyniku admaŭlaješsia na hod — 6%, na dva hady — plus 8%, na try hady — plus 10%, na čatyry hady — plus 12%, na piać hadoŭ i bolš — pa 14%», — tłumačyć pradstaŭnica Minpracy.
Hamarava zajaviła, što za piać hadoŭ u vypadku admovy ad piensii možna pavialičyć jaje pamier praktyčna ŭ dva razy.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary