ДАІ прапануе забараніць выкарыстоўваць зімой усесезонныя шыны. Адпаведную папраўку хочуць унесці ў ПДР у пералік няспраўнасцяў, з якімі забароненая эксплуатацыя транспарту. Пра гэта ў эфіры тэлеканала «Беларусь 1» расказаў начальнік ДАІ Беларусі Віктар Ротчанкаў.
«На сённяшні дзень дапускаецца выкарыстоўваць зімой шыны, якія маюць пазначэнне All seasons, то-бок усесезонныя. Хоць у тэхрэгламенце […] такі тып шын выкарыстоўваць зімой не дапускаецца. Таму мы хочам унесці карэкціроўку», — заявіў Ротчанкаў.
Паводле яго слоў, некаторыя ДТЗ засведчылі, што ўсесезонныя шыны зімой небяспечныя, асабліва тады, калі на першай восі зімовыя шыны, а на другой — усесезонныя. Тады машына вельмі лёгка ідзе ў занос.
Ротчанкаў дадаў, што пры праходжанні тэхагляду спецыялісты, чыя дзейнасць рэгулюецца адпаведным тэхнічным рэгламентам, ужо не дапускаюць транспартныя сродкі на ўсесезоннай гуме да ўдзелу ў дарожным руху зімой.
Каментары