Уладзімір Пуцін наўрад ці падтрымае пагадненне аб 30-дзённым спыненні агню, якое было сфармуляванае на перамовах у аўторак дэлегацыямі ЗША і Украіны, паведамілі агенцтву Reuters крыніцы, блізкія да Крамля.
Паводле экспертаў, Кіеў змог перанесці гульню на палову поля суперніка, але расійская армія захоўвае перавагу на полі бою, і Масква не захоча яе губляць.
Расіі неабходна ўзгадніць умовы спынення агню і атрымаць нейкія гарантыі, — сказаў Reuters высокапастаўлены чыноўнік.
«Пуціну цяжка пагадзіцца з гэтым [пагадненнем] у яго цяперашнім выглядзе. У яго моцныя пазіцыі, бо Расія наступае», — адзначыў ён.
Іншая высокапастаўленая расійская крыніца паведаміла, што з пункту гледжання Масквы прапанову аб спыненні агню можна расцэньваць як пастку.
«Пуціну будзе складана спыніць баявыя дзеянні, не атрымаўшы канкрэтных гарантый і абяцанняў», — заявіла крыніца.
У сваю чаргу прэс-сакратар Пуціна Дзмітрый Пяскоў прапанаваў не рабіць паспешлівых высноў наконт 30-дзённага перамір’я. Паводле яго слоў, спачатку павінны адбыцца сустрэчы расійскай і амерыканскай дэлегацый, на якіх Масква разлічвае атрымаць падрабязную інфармацыю.
«Глядзіце, вы крыху забягаеце наперад, а мы гэтага не хочам. Учора, размаўляючы з прэсай, і Рубіа, і Уолц заявілі, што праз розныя дыпканалы перададуць нам дэтальную інфармацыю пра сутнасць перамоў у Джыдзе. Спачатку мы павінны яе атрымаць. Таксама ў нас запланаваны ў гэтыя дні кантакты з амерыканцамі, у ходзе якіх мы разлічваем атрымаць поўную інфармацыю», — сказаў Пяскоў.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый23
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары