Reuters: Pucin naŭrad ci pahodzicca na spynieńnie ahniu va Ukrainie
Uładzimir Pucin naŭrad ci padtrymaje pahadnieńnie ab 30-dzionnym spynieńni ahniu, jakoje było sfarmulavanaje na pieramovach u aŭtorak delehacyjami ZŠA i Ukrainy, paviedamili ahienctvu Reuters krynicy, blizkija da Kramla.
Pavodle ekśpiertaŭ, Kijeŭ zmoh pieranieści hulniu na pałovu pola supiernika, ale rasijskaja armija zachoŭvaje pieravahu na poli boju, i Maskva nie zachoča jaje hublać.
Rasii nieabchodna ŭzhadnić umovy spynieńnia ahniu i atrymać niejkija harantyi, — skazaŭ Reuters vysokapastaŭleny čynoŭnik.
«Pucinu ciažka pahadzicca z hetym [pahadnieńniem] u jaho ciapierašnim vyhladzie. U jaho mocnyja pazicyi, bo Rasija nastupaje», — adznačyŭ jon.
Inšaja vysokapastaŭlenaja rasijskaja krynica paviedamiła, što z punktu hledžańnia Maskvy prapanovu ab spynieńni ahniu možna rasceńvać jak pastku.
«Pucinu budzie składana spynić bajavyja dziejańni, nie atrymaŭšy kankretnych harantyj i abiacańniaŭ», — zajaviła krynica.
U svaju čarhu pres-sakratar Pucina Dźmitryj Piaskoŭ prapanavaŭ nie rabić paśpiešlivych vysnoŭ nakont 30-dzionnaha pieramirja. Pavodle jaho słoŭ, spačatku pavinny adbycca sustrečy rasijskaj i amierykanskaj delehacyj, na jakich Maskva raźličvaje atrymać padrabiaznuju infarmacyju.
«Hladzicie, vy krychu zabiahajecie napierad, a my hetaha nie chočam. Učora, razmaŭlajučy z presaj, i Rubia, i Uołc zajavili, što praz roznyja dypkanały pieradaduć nam detalnuju infarmacyju pra sutnaść pieramoŭ u Džydzie. Spačatku my pavinny jaje atrymać. Taksama ŭ nas zapłanavany ŭ hetyja dni kantakty z amierykancami, u chodzie jakich my raźličvajem atrymać poŭnuju infarmacyju», — skazaŭ Piaskoŭ.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary