У Беларусі не будуць бяздумна займацца эмісіяй грошай. Пра гэта журналістам паведаміў прэм’ер-міністр краіны Аляксандр Турчын, піша БелТА.
Прэм’ер-міністр адзначыў, што эмісія грошай у разумных межах праводзіцца ў любой краіне. Пытанне толькі ў яе маштабах, каб яна не адбівалася негатыўна на эканоміцы.
Акрамя таго, падчас дакладу Лукашэнку ён паведаміў, што ў Беларусі за першыя два месяцы гэтага года дасягнуты рост ВУП у 103,1%, а таксама назіраецца высокі ўзровень заработнай платы. Паводле слоў Аляксандра Турчына, хацелася б захаваць гэтую тэндэнцыю, пры гэтым рост эканомікі не павінен шкодзіць макраэканамічнай стабільнасці.
Лукашэнка падчас дакладу заявіў аб неабходнасці вырашыць шэраг пытанняў у эканоміцы, каб рэалізаваць планы на 2025 год. Аляксандр Лукашэнка звярнуў увагу на тое, што, нягледзячы на рост ВУП, прамысловасць і сельская гаспадарка працуюць «з невялікім мінусам». Таксама Лукашэнка адзначыў зніжэнне тавараэкспарту ў Расію і інфляцыю ў Беларусі.
Цяпер чытаюць
Памятаеце фота з мускулістым беларусам, які ў 2020-м ішоў у счэпцы з амапаўцам? Цяпер ён здымаецца ў кіно ў Англіі1
Каментары