Расія запатрабавала прыпыніць усе пастаўкі зброі ва Украіну на час 30-дзённага спынення агню, якое прапанавалі Вашынгтон і Кіеў па выніках перамоваў у Джыдзе, піша Bloomberg са спасылкай на «асведамленыя крыніцы».
Як удакладнілі суразмоўцы агенцтва, прэзідэнт Расіі Уладзімір Пуцін падчас сустрэчы са спецпасланнікам прэзідэнта ЗША Сцівам Уіткафам 13 сакавіка назваў гэта абавязковай умовай для падпісання пагаднення аб спыненні агню.
План-мінімум Масквы заключаецца ў прыпыненні ваеннай дапамогі хаця б з боку Вашынгтона, сказалі дзве крыніцы, «знаёмыя з меркаваннем Крамля». Паводле адной з іх, пастаўкі зброі могуць быць адноўленыя толькі пасля заключэння мірнага пагаднення, у рамках якога Украіна павінна будзе пагадзіцца на абмежаванне свайго ваеннага патэнцыялу.
ЕС супрацьстаіць гэтаму патрабаванню, бо блакіроўка ваенных паставак можа прывесці да пераўзбраення Расіі, у той час як Украіне гэта будзе забаронена, прыводзіць Bloomberg словы высокапастаўленага еўрапейскага чыноўніка.
ЗША нібыта ўжо пагадзіліся з Расіяй па пытаннях тэрыторый і адмове Украіны ад членства ў NATO, што ўзмацніла трывогу ў ЕС наконт «аслаблення і ўразлівасці» Кіева пры любой мірнай здзелцы, якую Дональд Трамп можа заключыць з Пуціным.
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала5
Каментары