Апублікаваны ўказ Лукашэнкі «Аб страхаванні». Як паведамілі ў Галоўным упраўленні Дзяржаўтаінспекцыі МУС, дакумент уступае ў сілу 23 красавіка.

Згодна з ім павышаецца ліміт страхавой выплаты пры афармленні ДТЗ без выкліку ДАІ — да 150 базавых велічынь (прыблізна 6,3 тысячы рублёў). Цяперашні ліміт складае 800 еўра (на сёння 2700 рублёў), паведамляе прэс-служба МУС.
Сярод пераваг афармлення ДТЗ шляхам самастойнага запаўнення Еўрапратакола — хуткасць і зручнасць, бо кіроўцам не трэба чакаць супрацоўнікаў ДАІ. Пры гэтым страхавальнік выплачвае пацярпеламу страхавое пакрыццё на падставе Еўрапратакола, а вінаваты не прыцягваецца да адміністрацыйнай адказнасці.
Акрамя таго, указам прадугледжана выплата пацярпелым у выпадку прычынення шкоды жыццю або здароўю ў выніку ДТЗ з удзелам дзікіх жывёл. Пры гэтым кампенсацыя шкоды маёмасці не прадугледжваецца.
Цяпер чытаюць
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

Каментары