У закінутых будынках аўтазавода размесцяць самы сучасны ў Беларусі архіў
Адзін з недабудаваных вытворчых карпусоў Мінскага аўтамабільнага завода на вуліцы Машынабудаўнікоў перапрафілююць для размяшчэння Мінскага гарадскога архіва і яшчэ некалькіх дзяржаўных архіўных устаноў. Пра гэта на нарадзе ў Мінгарвыканкаме 24 сакавіка расказаў дырэктар КУП «Мінская спадчына» Аляксандр Кохан, пішуць «Мінск-Навіны».
Некалькі будынкаў у гэтым раёне ў свой час узводзіліся для сваіх патрэб аўтазаводам, але іх так і не дарабілі. Скончылася ўсё тым, што ў 2022 годзе даўгабуды перадалі гораду, а пасля Мінгарвыканкам даручыў «Мінскай спадчыне» перапраектаваць іх пад гарадскі архіў.
«Аб'ект складаецца з дзвюх частак. У шасціпавярховым будынку будуць размешчаныя адміністрацыйныя памяшканні дзяржаўнага архіва. Акрамя таго, там размесцяцца Цэнтр электроннага дакументазвароту і Беларускі навукова-даследчы інстытут дакументазнаўства і архіўнай справы», — паведаміў Аляксандр Кохан.
Паведамляецца, што архіў будзе самым высокатэхналагічным у краіне. Там будзе ўстаноўлена самае сучаснае абсталяванне для пылавыдалення, кандыцыянавання і падтрымання пастаяннай вільготнасці паветра.
Канкрэтных тэрмінаў заканчэння рэканструкцыі не называецца. Паводле слоў Аляксандра Кохана, цяпер на аб'екце завяршаюцца работы па ўладкаванні даху і закрыцці контуру будынка.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары