Увечары 28 сакавіка ў 22:55 у службу выратавання паступіла паведамленне аб пажары дома ў вёсцы Углата Асіповіцкага раёна. Суседзі паведамілі, што памяшканне цалкам ахоплена агнём.
Фота: МНС
Ратавальнікам вяскоўцы распавялі, што ў доме маглі знаходзіцца гаспадары — 90-гадовыя дзед і бабуля. На жаль, найгоршыя здагадкі пацвердзіліся, паведамляе МНС.
Ратавальнікі выявілі целы пажылых мужа і жонкі пад канструкцыямі дома. Пажар цалкам знішчыў дах, перакрыцці і маёмасць, былі пашкоджаныя сцены.
Прычына ўзгарання высвятляецца. Паводле папярэдняй версіі, пажар мог узнікнуць з-за трэшчыны ў коміне печы.
Каментары