Суд у акупаваным Данецку прысудзіў падлетка да 6,5 года за «дзяржаўную здраду»
17-гадовы жыхар Дакучаеўска Данецкай вобласці атрымаў 6,5 года зняволення па справе аб дзяржаўнай здрадзе (артыкул 275 КК РФ), паведамляецца на сайце Вярхоўнага суда самаабвешчанай Данецкай народнай рэспублікі.
Ілюстрацыйнае фота Мінабароны
Увагу на прысуд, вынесены яшчэ 4 красавіка, звярнула «Медыязона».
Паводле версіі абвінавачвання, падлетак перадаваў Службе бяспекі Украіны звесткі пра дыслакацыю расійскіх вайскоўцаў у кастрычніку 2023 — сакавіку 2024 года.
Пакаранне юнак будзе адбываць у выхаваўчай калоніі, заявілі ў пракуратуры ДНР.
Каментары