Культурная прастора па адрасе Кармеліцкая, 5 дзейнічала з лістапада 2022 года. Тут праводзіліся прэзентацыі, выставы, лекцыі, кінапаказы ды іншыя мерапрыемствы.
«CreateCulture Space зачыняе свае дзверы… але не без сапраўднага развітання! З лістапада 2022 года наша Прастора на Karmelitų g. 5 прымала варкшопы і лекцыі, выставы і кінапаказы, канцэрты і open mics, утульныя сустрэчы і буйныя публічныя мерапрыемствы. Гэта было месца для навучання, абмену, супольнай творчасці і, самае галоўнае, — для сувязі. На працягу амаль трох гадоў вы ажыўлялі гэту Прастору. Вы прыходзілі са сваімі ідэямі, праектамі, гісторыямі, суполкамі — і разам мы стварылі нешта асаблівае. Цяпер прыйшоў час развітацца з фізічным месцам. Але перад гэтым мы запрашаем вас завітаць, забраць маленькую частку гэтага месца і падняць з намі келіх», — паведамляе праект.
27 жніўня будзе распрадавацца мэбля, аксэсуары, кнігі, кухонныя рэчы, расліны і іншае, а развітальная вечарына пройдзе 28 жніўня а 19:00
«Ніякай праграмы, ніякіх прамоў. Проста вечар, каб сабрацца, абняцца, падзяліцца ўспамінамі і развітацца з месцам, якое аб’яднала многіх з нас», — кажуць аўтары.
Цяпер чытаюць
Дзмітрый Лукашэнка хоча паставіць пад кантроль усе мабільныя тэлефоны9
Каментары
Не сісіэсам адзіным. Не вельмі там прыязныя былі ўмовы.
Затое, будуць у кропку хадзіць часцей ці ў Золак.