Мішэль Абама пракаментавала нядаўнюю адсутнасць на палітычных мерапрыемствах і чуткі пра развод
Гаворачы пра сваё жыццё за межамі Белага дома на працягу васьмі гадоў з двума дарослымі дзецьмі, Мішэль Абама расказала ў падкасце Work in Progress, што цяпер яна мае магчымасць кіраваць сваім уласным календаром і можа рабіць «выбар для сябе».
У апошні час стаў заўважны няўдзел былой першай лэдзі ў розных каляпалітычных мерапрыемствах.
Мішэль Абама, у ліку іншага, прапусціла цырымонію інаўгурацыі прэзідэнта Дональда Трампа, а таксама дзяржаўныя пахаванні былога прэзідэнта ЗША Джымі Картэра ў студзені гэтага года.
З'явіліся чуткі пра развод з былым прэзідэнтам ЗША.
Мішэль Абама абвергла чуткі пра магчымы развод з былым прэзідэнтам Баракам Абамам.
Яна патлумачыла, што яе рашэнне не прысутнічаць на гэтых падзеях было звязана з жаданнем прысвяціць час сабе, і гэта не сведчыць пра праблемы ў шлюбе.
«Цяпер у мяне ёсць уласны каляндар, і менавіта гэтым я і займалася сёлета. Гэта быў сапраўды яскравы прыклад таго, як я сама бачу тое, што павінна зрабіць, — разумееце, не навешваючы нейкіх ярлыкоў. Я вырашыла рабіць тое, што лепш для мяне самой, а не тое, што я павінна рабіць, не тое, што, як я думала, іншыя людзі чакаюць ад мяне», — распавяла пра змены Мішэль Абама.
Яна дадала, што спачатку адчувала пачуццё віны, калі казала «не» і адмаўлялася ад некаторых абавязкаў, якія чакалі ад яе, як ад былой першай лэдзі.
«Гэта тое, з чым мы, жанчыны, сутыкаемся — страх расчараваць людзей. Настолькі, што сёлета людзі не маглі нават уявіць, што я прымаю рашэнне для сябе, і таму вырашылі, што мы з мужам разводзімся», — сказала Мішэль.
Яна падкрэсліла, што пасля сыходу з Белага дома і сталення дачок яна атрымала магчымасць прымаць рашэнні самастойна: «Гэта першы раз у маім жыцці, калі ўсе мае рашэнні прымаюцца мной самой».
Мішэль таксама звярнула ўвагу на тое, што грамадства часта негатыўна ўспрымае, калі жанчыны дзейнічаюць незалежна:
«Калі гэта не адпавядае стэрэатыпам таго, што людзі лічаць, што мы павінны рабіць, гэта атрымлівае негатыўную і жахлівую ацэнку».
Раней Барак Абама прызнаў, што яго прэзідэнцтва аказала ўплыў на іх шлюб, што ён знаходзіцца ў «глыбокай запазычанасці перад сваёй жонкай» і спрабуе гэта выправіць, праводзячы з ёй больш часу.
У студзені і сам былы прэзідэнт вымушаны быў абвяргаць чуткі пра развод з жонкай.
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары